Færslur: 2012 Janúar

31.01.2012 08:36

Fyrsta mót Húnvetnsku liðakeppninnar 17. febrúar 2012





Vegna útfarar Reynis þann 10. febrúar nk hefur fyrsta móti í Húnvetnsku liðakeppninni  verið frestað til föstudagsins 17. febrúar.



30.01.2012 09:51

Námskeið hjá Birnu Tryggvadóttur


Mjög vel heppnað námskeið hjá Birnu Tryggvadóttur var sl. helgi og var það vel sótt af öllum aldrusflokkum.
Eins og oft áður komu heilu fjölskyldurnar og eyddu helginni í hestamennskuna. Ótrúlega duglegt fólk.

Nokkrar myndir í albúmi.

   
                     Börnin hér í tíma   .........                                                        og fullorðnir.....


  
                   stund milli tíma, hádegishlé.                               Þessir hestar komu líka á námskeið emoticon


24.01.2012 22:15

Nálastungumeðferð fyrir hunda og hesta





Ulrike Brilling er búin að læra nálastungumeðferð fyrir dýr og núna vantar henni "sjúklinga" sem gætu haft gott af þannig meðferð, til að fá meira reynslu. Hún er búin að meðhöndla sín eigin dýr og hefur það gengið vonum framar og árangurinn verið frábær.
Nálastungumeðferð virkar ein sér við ýmsum kvillum en líka sem viðbótameðferð og getur líka verið notuð fyrirbyggjandi. Hún er t.d. notuð til að auka blóðflæði, bæta ofnæmiskerfið eða lina verki og getur þannig bætt hreyfigetu og flýtt fyrir bata, svo eitthvað sé nefnt. Það góða er að engar aukaverkanir fygja henni.
Meðferðin kostar ekki neitt eins og er og ef þið hafið áhuga á að prófa hana endilega hafiði samband við Ulrike í síma 8699626.



23.01.2012 13:22

Fyrirlestur og kynning


Fimmtudag 26. jan. kl. 20.30 í Reiðhöllinni Arnargerði.
 
Óli Magg verður með fyrirlestur um keppnismál/reglur.

Indíana Magnúsdóttir kynnir náttúrulegar vörur fyrir hesta.

Allir að mæta!



21.01.2012 10:18

Húnvetnska liðakeppnin 2012




Mót Húnvetnsku liðakeppninnar verða:


10. febrúar - Fjórgangur
25. febrúar - Smali og skeið á Blönduósi
16. mars - Fimmgangur og tölt T7 í 3. flokki og unglingaflokki
14. apríl - Tölt T3 (fegurðartölt í staðin fyrir yfirferðartölt)

Sjá nánar um töltgreinarnar hér: http://lhhestar.is/static/files/Log_og_reglur/lh_logogreglur_2011.pdf  bls 83

Reglur keppninnar árið 2012:

Liðin eru fjögur; lið 1, 2, 3 og 4. Liðsskipan er ekki bundin við lögheimili og er fólki því í sjálfsvald sett hvaða liði það vill vera í.

Knapar verða að vera í sama liðinu allt tímabilið, þ.e. bannað að skipta um lið á miðju tímabili. Einnig verður hver og einn knapi að velja sér hvort hann ætlar að keppa í 1., 2. eða 3. flokki í upphafi tímabils en þær nýjungar verða í ár að keppendur mega hækka sig um flokk hvenær sem er á tímabilinu, en aðeins hækka sig. Ef knapi velur að hækka sig getur hann ekki lækkað sig aftur á tímabilinu. Þetta hefur þau áhrif í einstaklingskeppninni að knapi getur ekki flutt með sér stig á milli flokka.

Hver keppandi má keppa á fleiri en einum hesti í hverri grein, en ef keppandi kemst með tvo hesta í úrslit verður hann að velja á milli þeirra og aðeins keppa á öðrum í úrslitum. Ekki hægt að fá aukaknapa til að ríða úrslit fyrir sig.

Á lokamóti mótaraðarinnar má ekki bætast nýr aðili við liðið nema að hann hafi verið skráður félagsmaður í Neista eða Þyt fyrir fyrsta mót mótaraðarinnar, þ.e. 10. febrúar 2012.

Skráningargjöld verður að greiða inn á reikning 1105-15-200343 kt. 550180-0499 áður en mót hefst.

1. flokkur, ef keppendur eru 16 eða fleiri eru B-úrslit riðin. Fjórir efstu eru öruggir í A-úrslit, sá fimmti þarf að vinna sig upp í úrslitin.
Stig í A-úrslitum eru gefin þannig:
1. sæti - 14 stig
2. sæti - 12 stig
3. sæti - 11 stig
4. sæti - 10 stig
5. sæti - 9 stig

Stig í B-úrslitum eru gefin þannig:
6.sæti - 8 stig
7.sæti - 7 stig
8.sæti - 6 stig
9.sæti - 5 stig

Það par sem vinnur sig upp úr B-úrslitum fær engin stig í B-úrslitunum en á möguleika á fleiri stigum í A-úrslitum.

2. flokkur, sömu reglur í sambandi við A- og B-úrslit. Stigagjöf er þó öðruvísi.
Stig í A-úrslitum eru gefin þannig:
1. sæti - 10 stig
2. sæti - 8 stig
3. sæti - 7 stig
4. sæti - 6 stig
5. sæti - 5 stig

Stig í B-úrslitum eru gefin þannig:
6.sæti - 4 stig
7.sæti - 3 stig
8.sæti - 2 stig
9.sæti - 1 stig
 
Það par sem vinnur sig upp úr B-úrslitum fær engin stig í B-úrslitunum en á möguleika á fleiri stigum í A-úrslitum.

3. flokkur, aðeins riðin A-úrslit. (flokkurinn er ætlaður fyrir knapa sem eru minna keppnisvanir)
Stig í úrslitum eru gefin þannig:
1.sæti - 6 stig
2.sæti - 4 stig
3.sæti - 3 stig
4.sæti - 2 stig
5.sæti - 1 stig

Barna- og unglingaflokkur (17 ára og yngri, fædd 1995 og seinna) aðeins riðin A-úrslit.
1.sæti - 6 stig
2.sæti - 4 stig
3.sæti - 3 stig
4.sæti - 2 stig
5.sæti - 1 stig

Skeið:

Í skeiði má hver knapi keppa á eins mörgum hrossum og hann vill en getur aðeins fengið stig fyrir einn hest eins og í öðrum greinum. Þessi keppni gefur mismunandi stig í liðakeppninni og einstaklingskeppninni. Aðeins keppt í einum flokki og stig eftirfarandi:

            Liðakeppni: einstaklingskeppni:

1.sæti - 10 stig         5 stig
2.sæti - 8 stig           4 stig
3.sæti - 7 stig           3 stig
4.sæti - 6 stig           2 stig
5.sæti - 5 stig           1 stig
6.sæti - 4 stig           1 stig
7.sæti - 3 stig           1 stig
8.sæti - 2 stig           1 stig
9.sæti - 1 stig           1 stig


Smalinn:

Reglur smalans:


Smalinn dregur nafn sitt af einu mikilvægasta hlutverki íslenska hestsins frá örófi alda. Eiginleikar sem prýða góðan smala og smalahest eru nauðsynlegir ef árangur á að nást, þetta eru þættir eins og hraði, kjarkur, fimi og snerpa.

Riðin er braut sem mörkuð er keilum sem ná upp á síður hests. Keilurnar skulu vera þannig útbúnar að þær falli við litla snertingu. Árangurinn ræðst af brautartíma og felldum keilum. Reiknireglur eru þær sömu og í tímabraut torfærunnar. Smalinn er hrein grein í þeirri merkingu að árangurinn er mælanlegur án frávika, þ.e. hann ræðst eingöngu af tíma og felldum keilum en ekki mati dómara. Dómarar eru engu að síður til staðar og meta hvort knapinn fari gegnum öll hlið, telja felldar keilur og hafa eftirlit með reiðmennsku knapa líkt og í öðrum keppnisgreinum.

Stigin telja þannig að knapar raðast í sæti eftir besta tímanum, sá sem er fyrstur fær 300 stig, sá næsti 280, 270 o.s.frv. Við hverja fellda keilu dragast frá 14 stig. Fyrir sleppt hlið eru 28 refsistig. Yfir brúnna er ekki leyft að fara á stökki þ.e.a.s allur annar gangur er í lagi. Ef brúnni er sleppt þá er það 4x28 refsistig Gult spjald= gróf reiðmennska 30 refsistig Rautt spjald= MJÖG gróf reiðmennska ÚR LEIK!

aðalstyrktaraðili Húnvetnsku liðakeppninnar


mótanefnd Húnvetnsku liðakeppninnar


17.01.2012 21:04

Knapamerkin komin af stað


Allir hópar í knapamerkjum eru komnir af stað og gaman að sjá hve þátttakan er góð.
Hér koma nokkrar myndir úr fyrstu tímunum en kennd eru knapmerki 1, 2 og 3 í vetur. Kennarar eru Barbara Dittmar, Hafdís Arnardóttir og Ragnhildur Haraldsdóttir.



    

 

   

 






17.01.2012 09:23

Tjarnartölt

 


Sveitasetrið Gauksmýri og Hestamannafélagið Þytur halda  sameiginlega ísmót á Gauksmýrartjörn sunnudaginn 22. janúar nk og hefst mótið kl 14:00 ( athugið breytta dagsetningu vegna söngvarakeppni Grunnskólans) Ef færi leyfir ekki að halda mótið á Gauksmýrartjörninni þá mun mótið verða flutt á völlinn á Gauksmýri.


Keppt verður í tölti í 3 flokkum:

1.  1.flokki

2.  2.flokki

3.  Barna og unglingaflokki.

5 keppendur í úrslit i öllum flokkum.

Skráning hjá Jóhanni  á netfangið jalberts@gauksmyri.is  eða Kolbrúnu Stellu á netfangið kolbruni@simnet.is.  Skrá þarf fyrir föstudaginn 20.jan , hægt að hafa þetta opið til sunnudagsmorguns. Engin skráningargjöld. Nánari upplýsingar hjá Jóa í síma 869-7992

Hægt að koma hestum í hús á Gauksmýri meðan húsrúm leyfir.

Veitingasala verður í veitingasalnum á Gauksmýri.

Allir að mæta og taka þátt í fyrsta móti ársins og hafa gaman saman.

Ef fella þarf mótið niður birtist það á heimsíðu Þyts á sunnudagsmorgun.

                                                                             

Sveitasetrið Gauksmýri og Hestamannafélagið Þytur



12.01.2012 09:09

Ísmót á Gauksmýrartjörn



Stefnt er að því að halda ísmót á Gauksmýrartjörn 21. janúar nk. ef aðstæður leyfa.

Nánar auglýst þegar nær dregur

Þytur

10.01.2012 10:25

Meistaradeild Norðurlands 2012, KS-Deildin

Úrtaka fer fram 25.janúar í Svaðastaðahöllinni. Og hefst kl: 20:00 Keppt í fjór og fimmgangi. Keppt verður um 6 sæti. Þar sem tveir keppendur hafa afboðað þátttöku vegna flutnings af svæðinu, áskilur stjórn MN sér rétt til að úthluta tveimur...

Úrtaka fer fram 25.janúar í Svaðastaðahöllinni. Og hefst kl: 20:00
Keppt í fjór og fimmgangi.
Keppt verður um 6 sæti.

Þar sem tveir keppendur hafa afboðað þátttöku vegna flutnings af svæðinu, áskilur stjórn MN sér rétt til að úthluta tveimur sætum til viðbótar ef viðunandi árangur í úrtöku næst.

Skráning fyrir föstudagskvöldið 20.janúar
hjá Eyþóri : 848-2725 og Stefáni : 860-2050

Stjórn MN


05.01.2012 13:28

Námskeiðin að hefjast


Minnum á að verkleg kennsla í knapamerkjum hefst í næstu viku.
Mánudag verður kn 1 krakkar hjá Ragnhildi.
Þriðjudag verða kn 2 krakkar og kn. 1 fullorðnir hjá Barböru
Fimmtudag verða kn 3 allir hjá Hafdísi.





Minnum líka á reiðnámskeið fyrir börn, bæði byrjendur og lengra komna sem byrja í síðustu viku í janúar. Þeir sem hafa hug á þeim námskeiðum vinsamlegast skráið ykkur á netfang Neista fyrir 15. janúar. Kennari verður Ragnhildur Haraldsdóttir.

 


Minnum líka á:
Birna Tryggvadóttir kemur og verður með námskeið 27.-29. janúar bæði almennt fyrir börn, unglinga og fullorðna og einnig keppnisnámskeið fyrir börn, unglinga og fullorðna. Hún tekur einnig í einstaklingskennslu ef þess er óskað. Skráning er á netfang Neista fyrir 15. janúar. Einnig má fá uppslýsingar hjá Selmu í síma 661 9961.




02.01.2012 09:48

Upplýsingar um kynbótasýningar 2012



Á fundi Fagráðs í hrossarækt þann 16. desember sl. var sýningaráætlun kynbótadóma fyrir árið 2012 lögð fram, sýningargjöld og einkunnarlágmörk kynbótahrossa á Landsmóti ákveðin.

Samkvæmt því munu sýningargjöld verða 18.500 kr. fyrir fullan dóma, en 13.500 kr fyrir sköpulags- eða reiðdóm.

Einnig voru einkunnarlágmörk kynbótahrossa á Landsmóti ákveðin og verða þau eftirfarandi:

Stóðhestar:
7 vetra og eldri            8,35
6 vetra                        8,30
5 vetra                        8,15
4 vetra                        8,00
 
Hryssur
7 vetra og eldri            8,25
6 vetra                        8,20
5 vetra                        8,05
4 vetra                        7,90
 

Þá var eftirfarandi sýningaráætlun ársins lögð fram til samþykktar:

  • 20.4 - 21.4             Skagafjörður
  • 30.4 -   4.5            Hafnarfjörður
  •   7.5 - 11.5            Hafnarfjörður
  • 14.5 - 18.5            Eyjafjörður
  • 14.5 - 18.5            Selfoss
  • 21.5 - 25.5            Selfoss
  • 21.5 - 25.5            Blönduós
  • 28.5 -   1.6            Skagafjörður
  • 28.5 -  29.5            Hornafjörður
  • 30.5 -  31.5            Fljótsdalshérað
  • 28.5 -   1.6            Hella
  •   4.6 -    8.6            Hella
  •   4.6 -    8.6            Eyjafjörður
  •   4.6 -    8.6            Borgarfjörður
  • 25.6 -    1.7            Landsmót
  •   7.8 -  10.8            Húnavatnssýslur
  •   7.8 - 10.8            Borgarfjörður
  • 13.8 -  17.8            Skagafjörður
  • 13.8 -  17.8            Hella
  • 20.8 -  24.8            Hella
  • 20.8 -  24.8            Eyjafjörður


Eiðfaxi 



  • 1
Flettingar í dag: 131
Gestir í dag: 45
Flettingar í gær: 122
Gestir í gær: 59
Samtals flettingar: 2328356
Samtals gestir: 345221
Tölur uppfærðar: 16.10.2019 19:26:26

Vafraðu um

Eldra efni

Um hestamannafélagið Neista

Nafn:

Hestamannafélagið Neisti

Afmælisdagur:

1943

Heimilisfang:

540 Blönduós

Staðsetning:

Blönduós

Um:

Harpa Birgisdóttir, formaður, Magnús Sigurjónsson, Kristján Þorbjörnsson, Sonja Suska, Berglind Bjarnadóttir. - - - Hestamannafélagið Neisti hefur sitt aðsetur á Blönduósi, en er félag hestamanna í Austur-Húnavatnssýslu.

Kennitala:

480269-7139

Tenglar

clockhere