Hestamannafélagið Þytur mun halda Íslandsmót barna, unglinga og ungmenna árið 2010 eins og flestir vita. Það kemur fram í fundargerð Byggðaráðs á heimasíðu Húnaþings vestra að á síðasta fundi var farið yfir hugmyndir um tengingu hesthúsahverfisins og vallarsvæðis félagsins með byggingu reiðleiða og ræsis yfir Ytri-Hvammsá. Fulltrúar félagsins leggja áherslu á að unnið verði að þessum tengingum á árinu 2009 og telja þær mjög mikilvægar gagnvart framkvæmd fyrirhugaðs móts. Einnig var óskað eftir auknu fjármagni til byggingar reiðhallar.