Vetrarstarf Neista hefur farið vel af stað og eru meðal annars fjölmörg börn á námskeiðum á vegum félagsins. Bæði eru kennd knapamerki 1 og 2 ásamt almennum reiðnámskeiðum og keppnisnámskeiði. Síðast en ekki síst þá hafa yngstu börnin fjölmennt í reiðhöllina en alls eru þrjú pollanámskeið í gangi. Reiðkennari Neista í vetur er Jónína Lilja Pálmadóttir en keppnisnámskeiðið er í höndum Bergrúnar Ingólfsdóttur.

Það styttist í 20 ára afmæli reiðhallarinnar í Arnargerði en hún var formlega tekin í notkun þann 11. mars árið 2000. Að því tilefni stendur til að bjóða félagsmönnum að koma saman og eiga saman góða stund á afmælinu. Þann dag standa einnig vonir til að hægt verði að taka formlega í notkun endurbættan sal reiðhallarinnar.

Stórsýning Austur Húnvetnskra hestamanna verður einnig haldin með pompi og prakt þann 22. apríl og standa vonir til að reiðhöllin verði þá búin að fá nauðsynlegt viðhald og endurbætur. Það hefði lítið farið fyrir félagsstarfi hestamannafélagsins Neista undanfarin ár ef reiðhallarinnar nyti ekki við og því er mjög mikilvægt fyrir hestamennsku á svæðinu, að stuðla að endingu hennar.

Stjórn Neista vinnur nú að skipulagningu þessa verkefnis og óskum við eftir aðstoð frá okkar félagsmönnum, sem og öðrum, sem eru tilbúin að aðstoða við að koma reiðhöllinni í betra horf. Það er mikið verk fyrir höndum og verður fyrsta vinnuhelgi í reiðhöllinni 29. febrúar - 1. mars.

Félagsmenn eru beðnir að hafa samband við stjórnarmeðlimi til að bjóða fram krafta sína. Það verður séð til þess að vinnuhelgin verði ekki síður skemmtileg en gagnleg!

Þar sem hestamannafélagið hefur lítið fjármagn þá leitum við eftir styrkjum til að fjármagna verkefnið. Ef félagsmenn hafa hugmyndir að því hvert sé hægt að sækja styrki, eða geta aðstoðað við að afla styrkja, þá má gjarnan hafa samband við stjórn Neista.

Einnig vantar umtalsvert af húsgögnum og húsbúnaði í salinn okkar. Ef einhverjir eru að skipta út og mega sjá af slíku (eða láta fyrir lítið) þá þiggur Neisti það með þökkum. Það sem helst vantar er:

·        Sófi

·        Sófaborð

·        Sjónvarp

·        Hitablásari

·        Borð og stólar

·        Bókahillur

·        Lokaðir skápar/hirslur

·        Skóhillur

·        Fatahengi

·        Ísskápur

·        Uppþvottavél

·        Vegghillur

·        Ýmis eldhúsbúnaður s.s. eldhúsföt, kökudiskar, vatnskönnur, kökuspaðar og fl.

·        Ryksuga

·        Skúringa- og hreingerningabúnaður

·        Handlaugar

·        Salerni

·        Speglar

 

Tökum höndum saman og færum reiðhöllina í betra horf og njótum samveru á sama tíma!

Með kveðju,

Stjórn Neista

Aðalfundur 2020

Aðalfundur Neista verður haldinn í reiðhöllinni fimmtudaginn 6. febrúar klukkan 18:00

Dagskrá

1. Fundarsetning og skipan starfsmanna.
2. Skýrsla stjórnar. Formaður fer yfir starf síðasta árs.
3. Ársreikningur
4. Umræður um skýrslu stjórnar og ársreikning
5. Inntaka nýrra félaga
6. Kosningar
   - Kosning til stjórnar, kosið er um formann til eins árs og tvö stjórnarsæti til tveggja ára
   - Kosið í nefndir
7. Önnur mál
8. Fundi slitið

Þeir sem vilja gefa kost á sér í stjórn eða nefndir félagsins eru vinsamlegast beðnir um að hafa samband við Magnús s.698-3168 eða gefa kost á sér á fundinum.

Vonandi sjá sem flestir sér fært að mæta.

-Stjórnin

Æskulýðsnefnd Neista leitar að reiðkennara til að kenna á námskeiðum fyrir börn og ungmenni í Austur-Húnavatnssýslu í vetur. Námskeiðin verða haldin á Blönduósi. Æskilegt er að umsækjendur hafi menntun og reynslu í reiðkennslu.

Áhugasamir hafi samband við Önnu Margréti Jónsdóttur, Sölvabakka. Sími 848-6774, [email protected].

Bergrún Ingólfsdóttir var kjörinn íþróttamaður Neista 2019. Viðurkenningin fór fram á Uppskeruhátíð búgreinasambandanna og Neista síðastliðinn laugardag. Til hamingju Bergrún.

Bergrún tekur við viðurkenningunni frá formanni og varaformanni Neista.

Kæru félagsmenn,

Nú geta félagsmenn keypt vikupassa á Landsmót Hestamanna sem haldið verður á Hellu 6. - 12. júlí 2020 og styrkt um leið félagið okkar.  Með því að kaupa í forsölu í gegnum linkinn hér að neðan  renna 1.000 kr til hestamannafélagsins. Miðaverð í forsölu er aðeins 16.900 kr. 

https://tix.is/is/specialoffer/lg5il24fgviac

Tökum höndum saman - styðjum félagið og tryggjum okkur um leið miða á Landsmót hestamanna 2020 á besta mögulega verði. 

Uppskeruhátíð búgreinafélaganna og Hestamannafélagsins Neista verður haldin laugardaginn 16. nóvember í Félagsheimilinu á Blönduósi og hefst kl. 19:30 með fordrykk í boði SAH Afurða.

Veislustjóri verður Haraldur Benediktsson, Retro ehf. og Hafa gaman ehf. sjá um forrétt, aðalrétt og eftirrétt og hljómsveitin Bolarnir sjá um að halda uppi stuðinu fram á nótt.

Miðaverð er kr. 7.900 og verður hægt að greiða inn á reikning BHS 0307-13-110277 kt. 471101-2650. Vinsamlegast sendið kvittun á netfangið [email protected]. Miðapantanir berist fyrir 10. nóvember.

Í skemmtinefndinni eru: Linda og Steini 4522945 og 69239269, Lisa og Skafti 778387 og 8672540, Eline og Jón 8448649 og 8422881 og Elín Ósk og Kristófer 8672548 og 8676741.

Stjórn Neista biður þá knapa sem hafa verið á keppnisbrautinni síðasta ár að senda sér sinn árangur á [email protected] ekki seinna en 12.nóvember.

Haustfjarnám 2019 þjálfaramenntun 1. og 2. stigs ÍSÍ Haustfjarnám 1. og 2. stigs þjálfaramenntunar ÍSÍ hefst mánudaginn 23. sept. nk. og tekur það átta vikur á 1. stigi en fimm vikur á 2. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni. Nám beggja stiga er allt í fjarnámi, engar staðbundnar lotur. Námið hefur verið afar vinsælt undanfarin ár og þátttakendur komið frá fjölda íþróttagreina. Námið veitir réttindi til íþróttaþjálfunar og jafnframt rétt til áframhaldandi náms til frekari réttinda. Þátttökugjald á 1. stig er kr. 30.000.- og öll námskeiðsgögn eru innifalin í því verði. Þátttökugjald á 2. stig er kr. 28.000.- og öll námskeiðsgögn eru innifalin. Athugið að þeir nemendur/þjálfarar sem koma frá fyrirmyndarfélögum/-deildum ÍSÍ fá 20% afslátt af námskeiðsgjaldi. Skráning er rafræn og þarf henni að vera lokið fyrir föstudaginn 20. sept. Rétt til þátttöku á 1. stigi hafa allir sem lokið hafa grunnskólaprófi. Til þátttöku á 2. stigi þarf að hafa lokið 1. stigi, hafa gilt skyndihjálparnámskeið og 6 mánaða starfsreynslu sem þjálfari. Slóð á skráningu á bæði stig í haustfjarnámi þjálfaramenntunar ÍSÍ 2019: http://isi.is/fraedsla/thjalfaramenntun-isi/skraning-i-thjalfaramenntun/ Allar nánari uppl. um fjarnámið og þjálfaramenntun ÍSÍ gefur Viðar Sigurjónsson í síma 514- 4000 & 863-1399 eða á [email protected]