Sibba er byrjuð með 4 unglinga í knapamerki 3. Tímar þar eru heldur fleiri en í 1 og 2 og því ekki seinna vænna en að byrja.

Fyrsti kaffimorguninn var í gærmorgun í Reiðhöllinni. Nokkrir sáu sért fært að mæta þótt veðrið væri ekki alveg það besta, allavega ekki útreiðaveður og því gott að sitja inni og spjalla yfir kaffi og með því. Afar notalegt

Ráðgert er að vera með kaffi á hverjum laugardagsmorgni í vetur frá 9.30 til 11.30.  Þeir sem hafa áhuga á að sjá um kaffimorgunn hafi samband á [email protected]

Góður hópur í góðu spjalli

Krakkar
Jæja þá er komið að því

Við ætlum að byrja vetrarstarfið þriðjudaginn 20.jan kl: 20:00
í Reiðhöllinni Arnargerði á Blönduósi.

Allir sem áhuga hafa á hestum og hestamennsku í A-hún drífa sig á staðinn og teyma foreldrana með.  Rætt verður um vetrarstarfið ofl.

Skráning á [email protected] fyrir 17. jan n.k.
þar þarf að koma fram:

Nafn / kennitala / símanúmer / netfang /og hvort viðkomandi er
byrjandi / lítið vanur / vanur / knapamerki 1,2,3
knapamerki er fyrir börn fædd ´97 og fyrr.
Vonumst til að sjá sem flesta

Barna og unglinganefnd Neista
Sonja 452-7174.     Edda 452-4580.     Silla 452-4644.



Kaffimorgnar byrja aftur í Reiðhöllinni
laugardaginn 10.jan n.k.
og verða frá 9:30 - 11:30
Hægt verður að kaupa 10 miða kort kr:4000.
Nú er um að gera að kíkja inn og spjalla yfir góðu kaffi og kræsingum.

FEIF Youth Camp 2009

Æskulýðsnefnd LH auglýsir eftir umsóknum á FEIF Youth Camp sem haldinn verður í Bandaríkjunum dagana 17. - 24. júlí 2009. Búðirnar verða haldnar í Wisconsin, í um 2 klst. fjarlægð frá Chigaco á búgarði sem heitir Winterhorse farm.  

Dagskráin verður í grófum dráttum á þessa leið; farið verður í reiðtúr, indíanar og kúrekar koma í heimsókn, bátaferð, farið í vatnaskemmtigarð og jafnvel í smá verslunartúr. 

Þátttakendur þurfa að vera á aldrinum 13 - 17 ára, á árinu, og verður gerð krafa um að þeir hafi einhverja reynslu í hestamennsku og geti gert sig skiljanleg á ensku.

Þátttökugjald er 530 - 550 ? og hefur hvert land rétt til að senda 2 þátttakendur, en einnig verður biðlisti ef sæti losna. Flugfargjald er ekki innifalið í þátttökugjaldinu.

Umsóknir þurfa að berast á skrifstofu LH, Engjavegi 4, Íþróttamiðstöðinni Laugardal, 104 Reykjavík fyrir 20. janúar 2009. Á umsókninni þarf að koma fram nafn, kennitala, heimili, í hvaða hestamannafélagi viðkomandi er og nokkrar línur um reynslu í hestamennsku.

Þegar búið verður að velja þá úr sem uppfylla skilyrðin verður dregið úr umsóknum.

Jólakveðja frá Æskulýðsnefnd Landssambandsins