Fréttir úr starfi Neista

Reiðmaðurinn I mun standa til boða í Reiðhöllinni Arnargerði á hausti komandi ef næg þátttaka næst. Námskeiðið hefur nú verið auglýst og eru allir áhugasamir hvattir til að sækja um fyrir 10. júní.

Helgina 14. og 15. júní verður sameiginleg úrtaka Neista, Þyts og Snarfara haldin á Hvammstanga vegna fjórðungsmóts sem haldið verður í Borgarnesi 2. til 6. júlí í sumar. Skráning verður í gegnum sportfeng.

Félagsmót verður haldið sunnudaginn 22. júní á vellinum okkar. Félagar og gestir eru hvattir til að fjölmenna og gera gott mót. Mótið er gæðingamót að venju auk þess sem keppt verður í tölti/gæðingatölti og jafnvel skeiði. 

Neisti stóð fyrir mótun samstarfsverkefnis með öðrum íþróttafélögum í því skyni að virkja krakka til þátttöku sem ekki eru mjög virkir í íþróttum eða félagsstarfi.  Verkefni þetta hefur nú hlotið styrk frá menntamálaráðuneytinu og verður fundað í næstu viku um framkvæmd og fyrirkomulag. 

Að frumkvæði stjórnar og þá einkum Sigurðar Ólafssonar er kominn skriður á loftræsti og kyndingarmál reiðhallarinnar. Ýmsar lausnir eru nú í athugun og má telja næsta víst að framkvæmdir komist á koppinn fyrir næsta vetur. 

Óskum æskulýðsnefnd, reiðkennurum, iðkendum og foreldrum til hamingju með frábæra sýningu þann 1. maí og árangursríkt og skemmtilegt starf í allan vetur.

Þann 14. og 15. júní er fyrirhuguð á Hvammstanga úrtaka Þyts, Snarfara og Neista vegna fjórðungsmóts í Borgarnesi. Laugardaginn 21. júní er stefnt á félagsmót Neista á Blönduósvelli.

Af reiðmanninum er það að frétta að pláss er fyrir tvo þátttakendur í viðbót og væri gott að heyra í líklegum sem allra fyrst.  Haft verður samband við alla sem lýst hafa yfir áhuga seinni part vikunnar.