Færslur: 2007 Maí

31.05.2007 13:20

Meira um skeiðvöllinn

Nú er unnið grimmt við völlinn.  Í gærkvöldi var tyrft og snurfusað og byrjað að setja upp teina fyrir girðinguna meðfram vellinum.  Við ætlum að reyna að setja hér inn myndir svona jafnóðum og eitthvað gerist svo að hægt sé að fylgjast með breytingum.



29.05.2007 10:28

Nýji skeiðvöllurinn


Framkvæmdir við nýja skeiðvöllinn ganga vel, en á næstu helgi fer þar fram kynbótasýning.  Búið er að setja vikur á brautina en í verkið var notuð malbikunarvél. Næstu daga verður tyrft og girðing sett upp meðfram brautinni svo eitthvað sé nefnt.

Myndir eru komnar inn á myndasíðu af vinnu við völlinn.

   
 
Á myndinni má þekkja þá Tryggva Björnsson og Guðmund Sigfússon og telur ritari að Tryggvi sé að lýsa því hvernig hann muni skeiðleggja næsta keppnishross sitt á nýju brautinni.

Nýji völlurinn

 

28.05.2007 00:02

Héraðssýning kynbótahrossa í Húnaþingi 2007

Héraðssýning kynbótahrossa í Húnaþingi 2007

Héraðssýning kynbótahrossa verður haldin á Blönduósi mánudaginn 4. júní og yfirlitssýning þriðjudaginn 5. júní n.k. Tekið er á móti skráningum hjá Búnaðarsambandinu í síma 451-2602 /895-4365 eða á netfang rhs@bondi.is , sem er enn betra. Lokadagur skráninga er 31. maí.

Sýningargjald er 10.500 kr á hross (7.000 ef bara byggingadómur) og þarf að greiðast samhliða skráningu inn á reikning 307-26-2650 á kt: 471101-2650 og senda kvittun á netfangið rhs@bondi.is með upplýsingum um fyrir hvaða hross er verið að greiða.

Munið að kynna ykkur reglur um einstaklingsmerkingar, járningar, blóðsýni, dna-sýni og spattmyndir.
Nánari upplýsingar verða á heimasíðunni okkar www.rhs.is

Búnaðarsamband Húnaþings og Stranda

17.05.2007 23:49

Æskan og hesturinn

Börn frá Hestamannafélaginu Neista gerðu góða ferð í Skagafjörðinn

Þann 17. maí fóru 28 börn ásamt foreldrum, ömmum og öfum úr Hestamannafélaginu Neista til Sauðárkróks með atriði á sýninguna Æskan og Hesturinn, sem haldin var nú í annað sinn. Alls tóku 7 hestamannafélög þátt í sýningunni en þau voru: Stígandi, Léttfeti, Svaði, Hringur, Glæsir, Þytur og Neisti.

Sýnt var tvisvar yfir daginn kl. 13:00 og 17:00 og var hin sýningin hin skemmtilegasta frá byrjun til enda. Skagfirðingar eiga mikið lof skilið fyrir þetta frábæra framtak og alla vinnuna sem í þetta var lagt, en þetta var allt unnið í sjálfboðavinnu. Þarna voru meðal annars sýndar þrautir á hestum, hestalitirnir, gangtegundir íslenska hestsins, gamli og nýi tíminn í klæðnaði og margt fleira. Við setningu sýningarinnar var fyrrv. Fegurðardrottning Íslands, Unnur Birna Vilhjálmsdóttir, á hestinum Gletting frá Steinnesi.
Heimild huni.is



  • 1
Flettingar í dag: 131
Gestir í dag: 45
Flettingar í gær: 122
Gestir í gær: 59
Samtals flettingar: 2328356
Samtals gestir: 345221
Tölur uppfærðar: 16.10.2019 19:26:26

Vafraðu um

Eldra efni

Um hestamannafélagið Neista

Nafn:

Hestamannafélagið Neisti

Afmælisdagur:

1943

Heimilisfang:

540 Blönduós

Staðsetning:

Blönduós

Um:

Harpa Birgisdóttir, formaður, Magnús Sigurjónsson, Kristján Þorbjörnsson, Sonja Suska, Berglind Bjarnadóttir. - - - Hestamannafélagið Neisti hefur sitt aðsetur á Blönduósi, en er félag hestamanna í Austur-Húnavatnssýslu.

Kennitala:

480269-7139

Tenglar

clockhere