Húllum hæ hjá bændum og hestamönnum
Mikið stuð og mikið gaman verður í Félagsheimilinu á Blönduósi laugardaginn 1. desember þegar búgreinafélögin í A-Hún og Hestamannafélagið Neisti halda sína árlegu uppskeruhátíð. Hátíðin hefst með fordrykk kl. 19:45 en borðhald kl. 20:30. Hátíðarmatur frá veitingahúsinu Pottinum og Pönnunni og um veislustjórn sjá félagarnir "Hundur í óskilum".
Að borðhaldi loknu mun danshljómsveit Friðjóns Jóhannssonar sjá um að allir skemmti sér vel fram eftir nóttu.