Föstudagskvöldið kl. 19:00 hefst keppni í fimmgang og T7 í Reiðhöllinni. Ungar knattspyrnukonur verða með samlokur, múffur, kaffi, kakó ofl. gott til sölu í fjáröflunarskyni þannig að engin þarf að svelta á milli þess sem gæðingar eru teknir til kostanna.

Ráslistinn lítur svona út með fyrirvara um breytingar: 

Fimmgangur og fleira gott í Reiðhöllinni Arnargerði

Föstudaginn 7. apríl verður keppt í Fimmgangi, T7 og skeiði í Reiðhöllinni Arnargerði.  Í fimmgangi verður keppt í flokki áhugamanna og opnum flokki. Fyrirkomulag verður með þeim hætti að einn er inn á í einu og ræður röð gangtegunda en sýnir tölt frjálsa ferð einn hring, brokk einn hring, stökk einn hring og fet hálfan,  skeiðaðar eru tvær ferðir á annarri hvorri langhliðinni að eigin vali og litið svo á að um ferjuleið sé að ræða milli ferða.   Í T7 verður keppt í flokki fullorðinna og unglingaflokk, verði skráningar barna yngri en 13 ára margar verða riðin úrslit hjá  þeim sérstaklega. 

Að lokum verður boðið upp á skeið í gegnum höllina með tímatöku.

Skráningargjöld hjá fullorðnum eru kr. 2.000 á skráningu en 1.500 kr. hjá þeim yngri.  Skráningargjöld má greiða fyrirfram inn á 0307-26-055624 kt. 480269- 7139.  ATH. þeir sem ekki hafa greitt gjöld síðustu móta vinsamlegast klári það mál sem fyrst.

Skráningum skal skila á [email protected] fyrir kl. 21:00 fimmtudaginn 6. apríl.

Nefndin.

Á föstudaginn var fór fram keppni í fjórgangi og T7 í Reiðhöllinni Arnargerði. Um 40 skráningar voru á mótið og þykir það gott. Mótið tókst með ágætum en stjórn Neista sló í gegn í hléinu með því að bjóða upp á pizzur sem runnu ljúflega ofan í viðstadda. Stefnt er að næsta móti 7. apríl og verður spennandi að sjá hvað verður boðið upp á þar bæði í keppni og veitingum. Úrslit urðu sem hér segir:

T7  Unglingaflokkur                                                                       Fork./úrslit.

1. Lara Margrét Jónsdóttir á Klaufa frá Hofi                                   5,5/ 6,0
2. Sunna Margrét Ólafsdóttir á Pílu frá Sveinsstöðum                 4,8/ 5,8
3. Inga Rós Suska Hauksdóttir á Feyki frá Stekkjardal                2,5/  5,3
4. Ásdís Freyja Grímsdóttir á Pipar frá Reykjum                            4,3/  4,8              
5. Salka Kristín Ólafsdóttir á Stöku frá Héraðsdal                         4,5/  4,5

T7 Flokkur fullorðinna                                                                  Fork./úrslit.

1. Berglind Bjarnadóttir á Mirru frá Ytri-Löngumýri                      6,5/ 6,8
2. Veronika Macher á Rós frá Sveinsstöðum                                5,8/ 6,5
3. Svana Ingólfsdóttir á Fiðling frá Mosfelli                                    5,4/ 6,3
4. Sindri Páll Bjarnason á Pandóru frá Rifkelsstöðum                5,5/ 6,0
5. Ásdís Brynja Jónsdóttir á Þjóni frá Hofi                                     5,5/ 5,5

Fjórgangur unglingaflokkur

1. Lara Margrét Jónsdóttir á Krónu frá Hofi                                    5,5/ 6,3
2. Lilja María Suska á Dimmu frá Hvammi 2                                  5,1/ 5,9
3. Ásdís Freyja Grímsdóttir á Pipar frá Reykjum                            4,3/ 4,9
4. Inga Rós Suska Hauksdóttir Feyki frá Stekkjardal                    4,6/ 4,4

Fjórgangur áhugamannaflokkur Karen Ósk Guðmundsdóttir á Stiku frá Blönduósi                   6,1/ 6,4 Veronika Macher á Rós frá Sveinsstöðum                                5,8/ 6,0 Kristín Jósteinsdóttir á Garra frá Sveinsstöðum                        6,0/ 6,0 Berglind Bjarnadóttir á Lukku frá Steinnesi                               5,9/ 5,6 Hjördís Jónsdóttir á Prúð frá Leysingjastöðum                         5,8/ 5,1   Fjórgangur opinn flokkur Ólafur Magnússon á Dagfara frá Sveinsstöðum                       6,8/ 7,2 Jón Kristófer Sigmarsson á Jódísi frá Hæli                                6,5/ 6,7 Jakob Víðir Kristjánsson á Gimsteini frá Röðli                          6,3/ 6,4 Ásdís Brynja Jónsdóttir á Keisara frá Hofi                                 6,3/ 6,3 Hörður Ríkharðsson á Djarf frá Helguhv. II                               6,2/ 6,2

Ráslistinn eins og hann lítur út núna kl. 13:10.  Hér er svo áríðandi tilkynning frá stjórn Neista:  

Á mótinu í kvöld býður Neisti keppendum og gestum upp á pizzur og drykki í hléi.

Við vonumst til þess að sjá sem flesta í reiðhöllinni og eiga góða stund saman.

Stjórn Neista

T7 í öllum flokkum á föstudagskvöldið í Reiðhöllinni Arnargerði.

Vegna fjölda áskorana hefur verið ákveðið að bjóða upp á keppni í T7 á föstudagskvöldið í opnum flokki og áhugamannaflokki. Riðinn er einn hringur á hægu tölti þá snúið við og frjáls ferð á tölti. Að öðru leyti gildir áður auglýst fyrirkomulag. Keppni hefst kl. 19:00 með T7 unglinga, þá T7 áhugamenn , síðan T7 opinn flokkur. Fjórgangur unglinga er næstur, þá áhugamenn í fjórgangi og loks fjórgangur í opnum flokki. Sama röð í úrslitum. Verði  sérstaklega fáar skráningar kann að koma til greina að sameina flokka. Skemmtilegast er ef sömu hestar eru ekki að keppa í báðum greinum.

Nefndin.

Föstudagskvöldið 24. Mars kl. 19:00 verður Fjórgangur í Reiðhöllinni Arnargerði og T7 í unglingaflokki. Keppt verður í fjórgangi, í flokki unglinga 16 ára og yngri, áhugamanna flokki  og opnum flokki. Einnig verður boðið upp á keppni í T7 fyrir yngri en 16 ára.

Í fjórgangi er riðinn einn hringur á hægu tölti, einn hringur á fegurðar tölti, einn hringur á brokki, einn hringur á stökki og hálfur á feti. Áður en keppandi hefur keppni má hann ríða hálfan hring þ.e. hefja keppni að sunnanverðu og ljúka henni að norðan. Keppandi ræður röð gangtegunda en í lok keppni skal hægja niður á fet.

Skráningar berist á netfangið:  [email protected] fyrir kl. 21:00 fimmtudaginn 23. mars. Skráningargjald í unglingaflokki er kr. 1.500 og kr. 2.000 í öðrum flokkum.  Fram komi nafn á hrossi, uppruni,  aldur og litur. Skráningargjöld má greiða fyrirfram inn á 0307-26-055624 kt. 480269- 7139.
ATH. þeir sem ekki hafa greitt gjöld síðustu móta vinsamlegast klári það mál sem fyrst.

Nefndin.

Laugardaginn 11. Mars fóru fram Vetrarleikar Hestamannafélagsins Neista á Svínavatni. Blíðskaparveður var og skemmtu menn og hestar sér hið besta.

Lara Margrét Jónsdóttir keppti í unglingaflokki og hlaut einkunnina 6,66 í tölti

Í áhugamannaflokki í tölti urðu úrslit sem hér segir: Karen Ósk Guðmundsdóttir á Stiku frá Blönduósi 6,83 Berglind Bjarnadóttir á Mirru frá Löngumýri 6,16 Harpa Birgisdóttir á Drottningu frá Kornsá 6,0 Jón Gíslason á Þjóni frá Hofi 5,83 Nellie Rosenwall  á Fléttu frá Stekkjardal 5,16 Guðmundur Sigfússon á Hnoðra frá Laugarbóli 5,0   Í opnum flokki í tölti urðu úrslit sem hér segir: Jón Kristófer Sigmarsson á Jódísi  frá Hæli  7,5 Jakob Víðir Kristjánsson á Gimsteini frá Röðli  7,3 Ásdís Brynja Jónsdóttir á Keisara frá Hofi  6,83 Hörður Ríkharðsson á Djarf frá Helguhvammi II  6,7 Ægir Sigurgeirsson á Gítar frá Stekkjardal   6,7 Davíð Jónsson á Lindu P frá Kópavogi  6,0     Bæjarkeppni fór fram með firmakeppnissniði og voru úrslit sem hér segir: Eline Manon Schrijver á Konungi frá Hofi keppti fyrir Síðu  7,0 Lara Margrét Jónsdóttir á Krónu frá Hofi keppti fyrir Hæli  6,6 Ægir Sigurgeirsson á Lit frá Blönduósi keppti fyrir Sveinsstaði    6,5 Ásdís Brynja Jónsdóttir á Laufa frá Syðra-Skörðugili keppti fyrir Mosfell 6,12 Kristín Jósteinsdóttir á Abel frá Sveinsstöðum keppti fyrir Stekkjardal  6,12 Aya Collins á Dúkku frá Hæli keppti fyrir Stóra-Dal    5,75

Ákveðið hefur veri að efna til ísmóts á Svínavatni við Stekkjardal á laugardaginn kemur 11. mars kl. 13:00.

Keppt verður í tölti í opnum flokki, flokki áhugamanna og 16 ára og yngri svo sem verið hefur. Riðin verður ein ferð á hægu tölti, tvær ferðir hraðabreytingar og ein ferð á yfirferðartölti.

Bæjarkeppni með firmakeppnissniði fer fram að tölti loknu.

Skráning berist fyrir kl. 20:00 föstudaginn 10. mars á netfangið [email protected]. Skráningargjöld eru 1.000 kr.

Nefndin.

Vegna ónógrar þátttöku verður að fresta auglýstu ísmóti á Svínavatni.

Stefnt er að móti um næstu helgi, nánar auglýst á þriðjudag.

Nefndin

Þar sem ís er aftur kominn á Svínavatn hefur verið ákveðið með skömmum fyrirvara að efna til ísmóts á sunnudaginn 5. mars kl. 13:00.

Keppt verður í tölti í opnum flokki, flokki áhugamanna og 16 ára og yngri svo sem verið hefur. Riðin verður ein ferð á hægu tölti, tvær ferðir hraðabreytingar og ein ferð á yfirferðartölti.

Ef möguleiki er á verður bæjarkeppni að tölti loknu.

Skráning berist fyrir miðnætti laugardaginn 4. mars á netfangið [email protected]. Skráningargjöld eru 1.000 kr.

Allar kvartanir, skammir og óánægja berist í pósti að Brekkubyggð 4.

Nefndin

Sveinn Steinarsson formaður félags hrossabænda og Þorvaldur Kristjánsson ábyrgðarmaður hrossaræktar ferðast um landið

Almennir fundir í fundarröð Félags hrossabænda og Fagráðs í hrossarækt um málefni hestamanna hefjast fljótlega. Helstu málefni sem tekin verða fyrir á fundunum eru m.a. eftirfarandi:

• Félagskerfi Félags hrossabænda.
• Markaðsmál.
• Þróun ræktunarmarkmiðs í hrossarækt og dómskala.
• Nýjungar í skýrsluhaldinu.
• Nýjungar í kynbótadómum

Eins og sjá má verður margt áhugavert á döfinni.

Með fulltrúum Félags hrossabænda og fagráðs, þeim Sveini Steinarssyni formanni Félags hrossabænda og fagráðs og Þorvaldi Kristjánssyni, ábyrgðarmanni í hrossarækt verður fulltrúi Landssambands Hestamannafélaga og munu þau verða frummælendur fundanna.

Fundirnir verða haldnir um allt land en þeir verða haldnir á eftirfarandi stöðum:

1. mars miðvikudagur - V-Húnavatnssýsla - Gauksmýri kl. 20:30.
2. mars fimmtudagur - Eyjafjörður - Reiðhöllin á Akureyri kl. 20:00.
3. mars föstudagur - Skagafjörður - Tjarnarbær/reiðhöllin kl. 20:00.
9. mars fimmtudagur - Vesturland – Hvanneyri kl. 20:30.
10. mars föstudagur - Egilsstaðir - Kaffi Egilsstaðir kl. 20:00.
11. mars laugardagur - Höfn í Hornafirði - Fornustekkar kl. 11:30 til 13:00. Folaldasýning í framhaldinu.
15. mars miðvikudagur - Suðurland – Hliðskjálf á Selfossi kl. 20:00.

Hvetjum hestamenn og hrossaræktendur til að fjölmenna á fundina og nýta tækifærið til að kynna sér verkefnin og leggja sitt til málanna.

Úrslit mótsins urðu þessi:
 

Unglingaflokkur:

1. Lara Margrét og Keisari  6,7
2. Lilja María og Helena   5,3
3. Ásdís Freyja og Pipar  4,8
4. Inga Rós og Feykir  4,5

Áhugamannaflokkur:

1. Berglind og Mirra  6,7
2. Karen Ósk og Stika  6,5
3. Kristín og Garri  5,7
4. Leana og Dúkka  5,3
5. Guðmundur og Hnoðri  5,2

Opinn flokkur:

1. Hörður og Djarfur  6,8
2. Rúnar og Kasper  6,5
3. Eline og Króna  6,3
4. Valur og Birta  6,0
5. Magnús og Sædís  5,5

Nú er aðstæður orðnar þannig að ekki er líklegt að hægt sé halda mótið í vetur. Hefur því verið ákveðið að aflýsa mótinu í ár, en með von um eðlilegt tíðarfar næsta vetur er stefnt á glæsilegt mót á sama stað þann 3. mars 2018.