Útg.: Búnaðarsamband Húnaþings og Stranda Ábm. Gunnar Ríkharðss.
- Höfðabraut 6, 530 Hvammstangi s. 451-2601 netf.: [email protected]
- Húnabraut 13, 540 Blönduós s. 451-2602 netf.: [email protected]
13. árg. 1. tbl. 2014 Heimasíða: www.rhs.is Feb 2014

Fundur um málefni hrossaræktarinnar
Sameiginlegur fundur Fagráðs í Hrossarækt, Landssambands Hestamannafélaga (LH) og Ráðgjafarmiðstöðvar Landbúnaðarins (RML) um málefni hrossaræktar og hestamennsku verður haldinn í Búnaðarsambandssalnum á Blönduósi (Húnabraut 13)
Miðvikudaginn 19. Feb 2014 og hefst kl 20:30
Frummælendur verða Sveinn Steinarsson, formaður Félags hrossabænda; Haraldur Þórarinsson formaður LH og Gunnfríður Elín Hreiðarsdóttir, ábyrgðarmaður hrossaræktar hjá RML.

1. Örmerkingar og DNA-sýnataka. Eins og undanfarin ár tekur BHS að sér að örmerkja hross og taka dna-sýni til greiningar. Örmerki kostar 1.600 kr og greining á dna kostar núna 6.500 kr. Auk þessa er innheimt 4.000 kr/klst fyrir vinnu og frágang sýna og því um að gera að hafa aðstöðu sem besta. Öll verð eru án vsk en ekki er rukkað fyrir akstur. Þeir sem hafa hug á að nýta þessa þjónustu vinsamlega látið mig vita sem fyrst svo ég geti skipulagt ferðir og rétt er að minna á að allir stóðhestar sem koma á kynbótasýningu þurfa hafa staðfest ætterni skv dna greiningu.

2. Gjaldtaka fyrir skráningar. Öll vinna við skýrsluhald í hrossaræktinni er nú á vegum Ráðgjafarmiðstöðvar landbúnaðarins (RML) og sinni ég því fyrir þeirra hönd hér á svæðinu. Byrjað er að taka gjald fyrir ýmsar skráningar í Worldfeng. Grunnskráning á hrossi kostar 1.000 kr, eigendaskipti 500 kr og fyrir vinnu við leiðréttingar og lagfæringar eru teknar 5.000 kr/klst (allt án vsk).
Örmerkingarbækur fyrir 20 hross eru seldar á 5.000 kr m.vsk en innifalið í því gjaldi er skráningin á örmerkinu í WF og er því ekki rukkað sérstaklega fyrir það. Sem stendur er ekki rukkað fyrir grunnskráningu á hrossi ef hún er skv örmerkingarblaði en þá þarf blaðið að vera vandlega fyllt út með öllum nauðsynlegum upplýsingum. Þar sem ekkert hross fæst lengur lagt inn í sláturhús án örmerkis er ekki eftir neinu að bíða með að skrá og örmerkja öll hross enda slíkt nú skylt skv lögum.

3. Aðgangur að Worldfeng (WF). Allir sem eru félagar í Félögum hrossabænda eða í hestamannafélagi geta fengið frían aðgang að WF. Með aðgenginu fá hrossaeigendur gott yfirlit yfir eigin hross og geta m.a. haft eigendaskipti, skráð afdrif, skráð geldingu, gefið hrossi nafn og sett inn myndir af hrossum. Þá geta þeir einnig sjálfir skráð upplýsingar um afdrif sinna folalda hvort sem þau eru sett á eða slátrað, að því tilskyldu að móðirin hafi verið skráð hjá stóðhesti sumarið áður. Hægt er að veita aðila sem hefur aðgang að WF umboð til að sýsla með hross sem skráð eru á aðrar kennitölur. T.d geta allir í sömu fjölskyldu haft öll sín hross í sömu heimarétt í WF.

4. Námskeið í notkun Worldfengs. Til að hvetja alla til að nýta sem best alla þá möguleika sem WF býður upp á vil ég kanna áhuga á námskeiðum í notkun WF. Þar væri farið yfir bæði þá möguleika sem eigendur hrossa fá varðandi skráningar á eigin hrossum og einnig kynntir allir þeir fjölmörgu möguleikar sem WF býður upp á varðandi skoðun á hrossum, dómum, kynbótamati ofl. en í gagnagrunninum er gríðarlegt magn af upplýsingum.
Námskeiðin yrðu haldin að kvöldi til og staðsetningu yrði hagað eftir búsetu þáttakenda og fólk mætir með eigin fartölvu ef það vill. Áhugasamir sendi mér tölvupóst á [email protected] eða hringi í 451-2602 / 895-4365 sem fyrst og í síðasta lagi föstudaginn 21.febrúar.

Gunnar Ríkharðsson

Þar sem veðrið, rokið, er afleitt og ekki útlit fyrir það að það skáni í dag þá er fræðslukvöldi Hólanema sem vera átti í kvöld frestað til mánudagins 17. febrúar.

Úrslit úr fyrsta móti í Mótaröð Neista:

Ráslisti Ístöltsins á Hnjúkatjörn sem hefst kl. 14.00 í dag.

Fyrsta mót vetrarins í Mótaröð Neista, ístöltið, verður haldið á Hnjúkatjörn nk. sunnudag 9. febrúar kl.14.00 ef veður og færð leyfa en því var frestað um sl. helgi vegna slæms veðurútlits.

Keppt verður í 3 flokkum í mótaröðinni eins og verið hefur.

• Flokkur 16 ára og yngri
• Áhugamannaflokkur
• Opinn flokkur.

2 keppendur eru inn á í einu. Riðinn er einn leggur hægt tölt og til baka tölt með hraðabreytingum. Aftur tölt með hraðabreytingum og svo yfirferðartölt til baka. Alls fjórar ferðir.  Úrslit eru riðin í hverjum flokki fyrir sig strax eftir forkeppni. Fimm knapar í úrslitum, með þeirri undantekningu þó ef að einhverjir eru jafnir að stigum.

Skráningargjald er kr. 1.500 fyrir fyrstu skráningu og 1.000 krónur eftir það. Skráningargjald fyrir unglinga er 1.000 fyrir hverja skráningu.

Skráning sendist á email [email protected] fyrir kl. 14.00 laugardaginn 8. febrúar.

Fram þarf að koma knapi og hestur, og í hvaða flokki er keppt.

Muna að taka fram IS númer hests og kennitölu knapa líka.

Einnig verður bæjarkeppni, með firmakeppnisfyrirkomulagi þ.e. riðnar 4 ferðir með frjálsri aðferð. Engin skráningargjöld.

Skráningargjöld má greiða inná reikning Neista 0307-26-055624
kt. 480269-7139 áður en mót hefst en það má líka greiða á staðnum (ekki er tekið við greiðslukortum).

Sama fyrirkomulag verður á mótaröðinni eins og verið hefur varðandi stigasöfnun þ.e. 10 stig fyrir 1 sætið, 8 stig fyrir 2 sætið, 6 stig fyrir 3 sætið og svo 5,4,3,2,1 stig niður í 8 sætið.

Keppendur skrá sig í flokka í upphafi keppni og haldast í þeim flokkum út mótaröðina, með þeim möguleika þó að keppendur mega skrá sig upp um flokk hvenær sem er kjósi þeir það en þá er ekki heimilt að fara til baka og ekki taka þeir með sér þau stig sem að þeir hafi til unnið.  Annars gilda almennt reglur LH, og er bent sérstaklega á reglur um fóta,- og beislisbúnað !

Af gefnu tilefni minnum við á að fram þarf að koma IS númer hests og kt. knapa.

Þeir sem skráðu sig fyrir síðasta mót þurfa að skrá sig aftur.

Mótanefnd

Laugardaginn 1. mars  verður mótið haldið á Svínavatni í A-Hún.

Keppt  verður í A og B flokki gæðinga og opnum flokki í tölti. Fyrirkomulag með svipuðu sniði og verið hefur undanfarin ár og verða nánari upplýsingar birtar þegar nær dregur á hestanetmiðlum og á heimasíðu mótsins.

Eins og er þá er veðurspáin þannig að það er erfitt að ráða í hana. Gæti orðið hvasst og snjókoma og kannski ekki.  Ákvörðun verður tekin um hádegisbil á föstudag varðandi mótið.

Mótanefnd

Fyrsta mót vetrarins í Mótaröð Neista sem er ístölt, verður haldið á Hnjúkatjörn nk. laugardag 1 febrúar kl.11.00, ef að veður og færð leyfir. 

Keppt verður í 3 flokkum í mótaröðinni eins og verið hefur.

• Flokkur 16 ára og yngri
• Áhugamannaflokkur
• Opinn flokkur.

2 keppendur eru inn á í einu. Riðinn er einn leggur hægt tölt og til baka tölt með hraðabreytingum. Aftur tölt með hraðabreytingum og svo yfirferðartölt til baka. Alls fjórar ferðir.  Úrslit eru riðin í hverjum flokki fyrir sig strax eftir forkeppni. Fimm knapar í úrslitum, með þeirri undantekningu þó ef að einhverjir eru jafnir að stigum.

Skráningargjald er kr. 1.500 fyrir fyrstu skráningu og 1.000 krónur eftir það. Skráningargjald fyrir unglinga er 1.000 fyrir hverja skráningu.

Skráning sendist á email [email protected] fyrir miðnætti fimmtudagskvöldið 30 janúar.

Fram þarf að koma knapi og hestur, og í hvaða flokki er keppt.

Muna að taka fram IS númer hests og kennitölu knapa líka.

Einnig verður bæjarkeppni, með firmakeppnisfyrirkomulagi þ.e. riðnar 4 ferðir með frjálsri aðferð. Engin skráningargjöld

Skráningargjöld má greiða inná reikning Neista 0307-26-055624
kt. 480269-7139 áður en mót hefst en það má líka greiða á staðnum (ekki er tekið við greiðslukortum).

Sama fyrirkomulag verður á mótaröðinni eins og verið hefur varðandi stigasöfnun þ.e. 10 stig fyrir 1 sætið, 8 stig fyrir 2 sætið, 6 stig fyrir 3 sætið og svo 5,4,3,2,1 stig niður í 8 sætið.

Keppendur skrá sig í flokka í upphafi keppni og haldast í þeim flokkum út mótaröðina, með þeim möguleika þó að keppendur mega skrá sig upp um flokk hvenær sem er kjósi þeir það en þá er ekki heimilt að fara til baka og ekki taka þeir með sér þau stig sem að þeir hafi til unnið.  Annars gilda almennt reglur LH, og er bent sérstaklega á reglur um fóta,- og beislisbúnað !

Mótanefnd

Sveitasetrið Gauksmýri og Hestamannafélagið Þytur halda sameiginlega ísmót á Gauksmýrartjörn laugardaginn 25. janúar nk og hefst mótið kl 12:30. Ísinn er spegilsléttur að sögn Jóhanns  svo nú er um að gera að skrá á fyrsta mót ársins.

Keppt verður í tölti í 3 flokkum:

1.  1.flokki

2.  2.flokki

3.  Barna og unglingaflokki.

5 keppendur í úrslit í öllum flokkum.

Riðið verður ein ferð á hægu tölti, 2 ferðir hraðabreytingar og 1 ferð hratt tölt.
 

Einnig verður keppt í unghrossaflokki ef næg þátttaka næst, en það eru hross fædd á árunum 2008 til 2010 sem eiga þátttökurétt. Þetta verður 4 ferðir (2 fram og til baka), frjáls reið.

Skráning  á netfangið [email protected] . Lokaskráningardagur er  föstudagurinn 24. janúar, skráningargjald er 1.000.- fyrir fullorðna hver skráning en 500 hver skráning fyrir börn og unglinga. Skráningargjald má leggja inn á 0159-26-001081 kt. 550180-0499.

Nánari upplýsingar hjá Jóa í síma 869-7992

Hægt að koma hestum í hús á Gauksmýri meðan húsrúm leyfir.

Veitingasala verður í veitingasalnum á Gauksmýri.

Ef fella þarf mótið niður vegna veðurs birtist það á heimsíðu Þyts á laugardagsmorgun.

Sveitasetrið Gauksmýri og Hestamannafélagið Þytur

Hestamannafélagið Neisti óskar
félagsmönnum, Húnvetningum
sem og öðrum landsmönnum
gleðilegra jóla og farsældar á nýju ári.

Þökkum stuðning, gott samstarf og
ánægjulegar samverustundir
á árinu sem er að líða.

Mótanefndin fundaði á dögunum yfir kaffi og smákökum,  um mótahald vetrarins sem og framkvæmd þeirra.  Önnur mál voru að sjálfsögðu rædd en ýmislegt er í pípunum. Það skýrist síðar.  Mótin verða eftirfarandi, en auðvitað miðast þetta alltaf við færð og veður og þess háttar.

• Ísmótið verður á Hnjúkatjörn þann 01.febrúar 2014.  Það mót, er þó öðrum mótum fremur háð veðri og verður fært til ef veður, ísleysi eða annað hamlar þennan dag.
• Tölt T7 verður haldið 24. febrúar í Reiðhöllinni.
• Fjórgangsmót verður haldið 10. mars í Reiðhöllinni.
• Smalinn verður haldið 24. mars í Reiðhöllinni.
• Fimmgangur og tölt verður haldið 7. apríl í Reiðhöllinni.

mbk.  Mótanefnd  og  Gleðileg jól !

Reiðvegavinna gekk vel og búið er að gera nýjan veg frá hesthúsahverfinu, það er frá hesthúsinu hans Tryggva og upp að Svínvetningabraut.  Þá var borið ofan í veginnn sem liggur frá Kleifagrúsinni og suður að Hjaltabakkagirðingu og síðan austur með þeirri girðingu og að nýja veiðihúsinu við Laxá.  Þessir vegir voru síðan malaðir og tókst það afar vel og eiga þessir vegir að nýtast hestamönnum mjög vel í framtíðinni.

Girðing var lögð meðfram þessum vegum og nú er frágangi lokið og framkvæmdum þessa árs þar með.

Vill reiðveganefnd þakka öllum sem að þessari vinnu komu en sérstakar þakkir fá þeir Víðir Kristjánsson og Tryggvi Björnsson fyrir gott framlag og góða verkstjórn við girðingavinnuna.

Reiðveganefnd

Uppskeruhátíð húnvetnskra bænda og hestamanna var 23. nóvember sl. og eins og fyrri ár voru veitt verðlaun fyrir hesta, kýr og kindur.....
         
Knapi ársins 2013 hjá Hestamannafélaginu Neista er Jakob Víðir Kristjánsson.
Hann gerði það gott á keppnisvellinum, var með 2 efstu hestana í B-flokki gæðinga á félagsmóti Neista og úrtöku fyrir Fjórðungsmót, þá Gítar frá Stekkjardal og Börk frá Brekkukoti. Var með 3 hesta í úrslitum í B-flokki á félagsmótinu. Hann var einnig í A-úrslitum í B-flokki gæðinga á Fákaflugi og í úrslitum í tölti og fjórgang á opnu íþróttamóti Þyts.
 

                                
Innilega til hamingju með flottan árangur.





Að venju veittu Samtök Hrossabænda í A.-Hún ræktendum í félaginu viðurkenningar fyrir hæst dæmdu kynbótahrossin.  

Viðurkenningar kynbótahrossa:

Hryssur

4 vetra
Telma frá Steinnesi
F. Kiljan frá Steinnesi
M. Sunna frá Steinnesi
B: 7,91  H: 8,14  A: 8,05
Ræktandi: Magnús Jósefsson
Eigandi: Helga Una Björnsdóttir
Sýnandi: Helga Una Björnsdóttir

5 vetra 
Þórdís frá Skagaströnd
F. Þóroddur frá Þóroddsstöðum
M. Þjóð frá Skagaströnd
B: 8,14  H: 8,03  A: 8,07
Ræktandi: Þorlákur Sveinsson
Eigendur: Þorlákur Sveinsson og Gangráður ehf.
Sýnandi: Guðmundur Friðrik Björgvinsson

6 vetra
Hvöt frá Blönduósi
F. Orri frá Þúfu í Landeyjum
M. Hríma frá Hofi
B:  8,26  H: 7,94  A: 8,07
Ræktendur: Tryggvi Björnsson og Ásgeir Blöndal
Eigandi: Ingolf Nordal
Sýnandi: Þorvaldur Árni Þorvaldsson
 

7 vetra og eldri
Staka frá Steinnesi
F. Topar frá Kjartansstöðum
M. Brana frá Steinnesi
B: 7,98   H: 8,39   A: 8,23
Ræktandi og eigandi: Jósef Magnússon
Sýnandi:  Tryggvi Björnsson

Stóðhestar

4 vetra
Besti frá Upphafi
F. Akkur frá Brautarholti 
M. Ræsa frá Blönduósi
B: 8,03   H: 8,03   A: 8,03
Ræktandi og eigandi:  Hjálmar Þór Aadnegard
Sýnandi:  Tryggvi Björnsson

Tryggvi og Besti í janúar 2013

6 vetra  
Hausti frá Kagaðarhóli
F. Stáli frá Kjarri
M. Gyðja frá Glúmsstöðum 2
B: 8,24  H: 8,34   A: 8,30
Ræktendur og eigendur: Guðrún J. Stefánsdóttir og Víkingur Gunnarsson
Sýnandi: Mette Camilla Moe Mannseth

Hausti frá Kagðarhóli og Gísli Gíslason

7 vetra og eldri 
Kompás frá Skagaströnd
F.  Hágangur frá Narfastöðum 
M. Sunna frá Akranesi
B: 8,56   H: 8,18    A:  8,33
Ræktandi og eigandi:  Sveinn Ingi Grímsson
Sýnandi: Guðmundur Friðrik Björgvinsson

Sölufélagsbikarinn fær  hæst dæmda hryssa á héraðsýningu í Húnaþingi í eigu heimamanns. 

Vigur frá Hofi 
F. Geisli frá Sælukoti
M. Varpa frá Hofi
B: 7,89  H: 8,04   A: 7,98
Ræktendur:  Eline Manon Schrijver og Jón Gíslason
Eigandi: Ásdís Brynja Jónsdóttir
Sýnandi:  Tryggvi Björnsson

Ásdís og Vigur á Fákaflugi 2013

Búnaðarbankabikarinn fær hæst dæmdi stóðhestur á héraðssýningu í Húnaþingi í eigu heimamanns.

Hausti frá Kagaðarhóli
F.  Stáli frá Kjarri
M. Gyðja frá Glúmsstöðum 2
B: 8,24  H: 8,34   A: 8,30
Ræktendur og eigendur: Guðrún J. Stefánsdóttir og Víkingur Gunnarsson
Sýnandi: Mette Camilla Moe Mannseth

Fengsbikarinn - bikar sem gefinn var til minningar um Guðmund Sigfússon frá Eiríksstöðum og veittur er hæst dæmda kynbótahrossi í eigu heimamanns.  

Kompás frá Skagaströnd
F.  Hágangur frá Narfastöðum 
M. Sunna frá Akranesi
B: 8,56   H: 8,18    A:  8,33
Ræktandi og eigandi:  Sveinn Ingi Grímsson
Sýnandi: Guðmundur Friðrik Björgvinsson

 

Bikar til minningar um Magnús Blöndal frá Skagaströnd
Gefinn af Sveini Inga Grímssyni og fjölskyldu til minningar um Magnús Blöndal. Er hann veittur hæst dæmda 4 vetra stóðhesti úr Austur-Húnavatnssýslu.         

Besti frá Upphafi
F. Akkur frá Brautarholti 
M. Ræsa frá Blönduósi
B: 8,03   H: 8,03   A: 8,03
Ræktandi og eigandi:  Hjálmar Þór Aadnegard
Sýnandi:  Tryggvi Björnsson

 
Ræktunarbú  2013 : Leysingjastaðir í Húnavatnshreppi
Ábúendur á Leysingjastöðum: Hreinn Magnússon og Hjördís Jónsdóttir

Á árinu 2013 var glæsihesturinn Freyðir frá Leysingjastöðum áberandi, gerði það mjög gott á keppnisvellinum ásamt knapa sínum Ísólfi Líndal Þórissyni. Á Fjóðungsmóti á Kaldármelum unnu þeir B-flokki gæðinga með einkunina  9,01. Ísólfur og Freyðir gerðu það líka gott á  Íslandsmóti í Borgarnesi en þar uður þeir í 5.-6. sæti í tölti með einkunina 8,28  eftir að hafa unnið sig upp úr B-úrslitum. Þeir kepptu einnig í fjórgangi og urðu í 5. sæti með einkunina 8,0.

        
                                            Freyðir og Ísólfur (myndir teknar af heimasíðu Lækjamóts)                                      

Hreinn og Hjördís hafa stundað hrossarækt í áratugi og mörg góð hross komið frá þeim, má þar meðal annars nefna Stíganda og Sindra Stígandason.

Sindri og Ísólfur (mynd af heimasíðu Lækjamóts)      Stígandi, myndir www.stigandi.us

Til hamingju Leysingjastaðir.