Hrossabændur - Hestaáhugafólk

Aðalfundur Samtaka Hrossabænda í A- Hún verður haldinn í Reiðhöllinni á Blönduósi þriðjudaginn 29. mars 2011 og hefst stundvíslega kl. 20:00.

Dagskrá: Venjuleg aðalfundarstörf -  stóðhestahald 2011 ofl.

Fræðslufundur undir yfirskriftinni  "Ræktun í Kirkjubæ" hefst kl 21:00 en þar mun Ágúst Sigurðsson hrossaræktandi í Kirkjubæ og fyrrverandi landsráðunautur í hrossarækt segja frá  hrossaræktinni í Kirkjubæ sem er landsþekkt og byggir á gömlum grunni. Ágúst mun fara yfir sviðið í víðu samhengi og sýna myndir máli sínu til stuðnings. Umræður að lokinni framsögu .  Kaffi og kleinur

Athugið að fræðslufundurinn er öllum opinn

Stóðhestar á vegum Samtaka Hrossabænda í A-Hún sumarið 2011:

Víðir frá Prestsbakka verður á Þingeyrum á fyrra gangmáli. Víðir er brúnn 10 v alhliðahestur undan Keili frá Miðsitju og Gleði frá Prestsbakka, bygging 8,41; hæfilækar 8,30 og aðaleinkunn 8,34. Verð til félagsmanna 85 þús með öllu.

Brimnir frá Ketilsstöðum verður á Gauksmýri eftir landsmót. Brimnir er bleikálóttur 6 v alhliðahestur undan Álfasteini frá Selfossi og Vakningu frá Ketilsstöðum, bygging 8,28; hæfilækar 8,56 og aðaleinkunn 8,45. Verð til félagsmanna 110 þús með öllu.

Pantanir hjá Gunnari á Þingeyrum ([email protected]) eða Magnúsi í Steinnesi (897-3486)

Mjög góð þátttaka var á Grunnskólamótinu í hestaíþróttum sem haldið var í Svaðastaðahöllinni á Sauðárkróki í gær. Margir nemendur úr grunnskólum á Norðurlandi vestra tóku þátt og stóðu sig með stakriprýði. Eftirtektarvert er hvað krakkarnir eru vel ríðandi og æskulýðsstarf hestamannafélaganna hefur skilað góðum árangri.

Eftir tvö mót af þremur stendur Varmahliðarskóli efstur með 67 stig en á hæla honum kemur Húnavallaskóli. 

Staða skólanna eftir tvö mót
1.	Varmahlíðarskóli	67
2.	Húnavallaskóli	62
3.	Árskóli	40
4.	Gr. Húnaþings vestra	39
5.	Blönduskóli	27
6.	Gr. Austan vatna	26

Úrslit í einstökum greinum.

Fyrirhugað er að panta þessa jakka fyrir Neistafélaga.
Þeir sem hafa áhuga hafi samband við Hólmar Hákon í sími 6956381.
Hann er með flestar stærðir heima hjá sér
þannig að hægt er að kíkja til hans og máta.

Grunnskólamót hestamannafélaganna á Norðurlandi vestra er  sunnudag 20. mars í Reiðhöllinni á Sauðárkróki og hefst kl. 13:00. 
Keppt er í fegurðarreið, tví-og þrígangi, fjórgangi og skeiði.  Þetta er annað mótið í mótaröðinni og er þátttaka mjög góð 88 skráningar samtals þannig að það verður mikið um að vera í Reiðhöllinni á Sauðárkróki á sunnudag.

Skráningargjöld skulu greidd áður en mót hefst og þá helst í peningum, ekki með kortum.

Ráslisti má sjá á heimasíðu Léttfeta !

Grunnskólamót

Mótið er hugsað til að efla áhuga á hestaíþróttinni og gefa sem flestum kost á því að taka þátt. Keppt er eftir venjulegum hestaíþróttareglum og dæmt í samræmi við þær, keppni skal stjórnað af þul. Keppendur skulu hneigja sig í upphafi og lok keppni og hlíta fyrirmælum þular í hvívetna. Allir grunnskólanemar á Norðurlandi vestra eiga þátttökurétt.

1.    Mótið heitir Grunnskólamót hestamannafélaga á Norðurlandi vestra.

 2.    Keppnisgreinar eru:

 Ø  Fegurðarreið    1. - 3. bekkur.  Þar eru riðnir 3 hringir og látið fara fallega dæmt skal eftir stjórnun og þokka. 2 - 3 keppendur inná í einu.

Ø  Tvígangur         4. - 7. bekkur.  Riðnir tveir hringir á annað hvort brokki eða tölti og fet ½ hringur.  Áseta og stjórnun dæmd. 

Ø  Þrígangur          4. - 7. bekkur.  Riðið einn hringur brokk, einn hringur tölt og fet ½ hringur.  Áseta og stjórnun dæmd.

Ø  Fjórgangur        8. - 10. bekkur.  Venjuleg íþróttakeppni, riðnir fjórir og hálfur hringur.  Einn hringur hægt tölt, einn hringur yfirferðar tölt,  ½ hringur fet , einn hringur brokk og einn hringur stökk.

Ø  Þrautabraut        1. - 3. bekkur.  Áseta, stjórnun og færni  dæmd.  Engin tímataka. Hringurinn 3 metrar í ummál.

Ø  Smali                   4. - 7. og 8 .- 10. bekkur.  Smalabrautin skal vera skýr og hættulaus og forðast skal allan óþarfa glannaskap.  Keppt skal eftir tíma og skal bæta 4 sekúndum við tíma fyrir hverja keilu sem felld er eða sleppt.  Ef sleppt er hliði bætast  2x4  sekúndur við.  Gult spjald er jafnt og 10 sekúndur og má sýna ef knapi sýnir grófa reiðmennsku og jafnvel víkja keppanda úr sýningu.        

Ø  Tölt                       4. - 7. bekkur.  Tveir inná í einu, riðið hægt tölt, einn hringur, snúið við og riðið tölt með hraðabreytingum á langhliðum einn hringur og fegurðarreið einn hringur, samtals þrír hringir .

Ø  Tölt                       8. - 10. bekkur.   Tveir inná í einu, riðið hægt tölt, einn hringur, snúið við og riðið tölt með hraðabreytingum á langhliðum einn hringur og greitt tölt einn hringur, samtals þrír hringir .

Ø  Skeið                  8. - 10. bekkur mega keppa í skeiði og skal tímataka vera samkvæmt venju á hverjum stað.  Fara skal 2 spretti og betri tíminn gildir.

v  Gult spjald má sýna ef knapi sýnir grófa reiðmennsku og jafnvel víkja keppanda úr sýningu.

3.    Keppandi má koma með hest hvaðan sem er, hesturinn/hesteigandi þarf ekki að vera í hestamannafélagi viðkomandi skólahverfis. 

4.    Heimilt er að sami hestur sé skráður í 2  greinar.

5.    Foreldrar mega ekki vera inn á keppnisvellinum meðan á keppni stendur

6.    Keppendur í  tví- og þrígangi í 4. - 7. bekk.  verða að velja annað hvort tvígang eða þrígang að keppa í.  Óheimilt að sami keppandi keppi í báðum greinum. 

7.    Í tölti, tví-, þrí- og fjórgangi mega keppendur keppa á fleiri en einum hesti, en í úrslitum verður einungis einn hestur frá hverjum knapa.

8.    Ef tveir eru jafnir í 5. og 6. sæti skulu báðir mæta í úrslit og verðlauna bæði sætin sem 5. sæti.

9.    Járningar, 10 mm skeifur og 250 gr. hlífar eða 8 mm og botnar.

10. Í smala er ekki leyft að ríða við stangir, annars gilda almennar íþróttakeppnisreglur.

Stig

Stigatafla fyrir alla greinar nema skeið,

Ef allir keppendur í úrslitum eru frá sama skóla  fær skólinn einungis stig fyrir efsta sætið, síðan næsti skóli inn í úrslit og svo framvegis.

Stigatafla fyrir skeið, öll stigin geta farið á sama skóla, þetta er aukabúgrein.

 1. sæti                       gefur  5 stig
 2. sæti                       gefur  4 stig
 3. sæti                       gefur  3 stig
 4. sæti                       gefur  2 stig
 5. sæti                       gefur  1 stig