Síðsumarssýning kynbótahrossa
í Skagafirði 2010
Verður haldin á Vindheimamelum
dagana 26. til 30. júlí í tengslum við stórmótið Fákaflug.

Skráning og upplýsingar:  Leiðbeiningamiðstöðin s: 455-7100
Skráning fer fram: Miðvikudag (21. júl) og fimmtudag (22. júl)
Síðasti greiðsludagur: fimmtudagurinn 22. júlí.

Það sem fram þarf að koma við skráningu:
Nafn á hrossi og fæðinganúmer
Sýnandi
Greiðandi (nafn og kt.)

Skráningagjald:
      Fullnaðardómur: 14.500 kr. m. vsk.
      Eingöngu byggingardómur/hæfileikadómur: 10.000 kr. m. vsk.

Greiðist inn á:  1125 (Sparisjóður Hólahr.) - 26 - 0710
Kt: 580901-3010          skýring: Nafn á hrossi.

Til að fá endurgreitt sýningargjald þarf að tilkynna forföll degi áður en sýningin hefst.

Yfirlitssýning mun fara fram föstudaginn  30. júlí.

Byggingadómar munu fara fram á Saurbæ.

Muna DNA-sýni úr öllum stóðhestum og foreldrum þeirra. Blóðsýni og röntgenmyndir af stóðhestum fimm vetra og eldri.

Athugið að mæta eingöngu með heilbrigð hross en samkvæmt samþykktum fagráðs verður hrossum vísað frá sem sýna einkenni kvefpestarinnar, s.s. hósta og/eða áberandi hor. 

Hrossaræktarsamband Skagfirðinga

Fákaflug verður haldið dagana 30.júlí til 2.ágúst 2010 á Vindheimamelum.  Að vanda verður keppt í gæðingakeppni í sérstakri forkeppni með 3-4 inná í einu.  Einnig verða kappreiðar og töltkeppni.  Peningaverðlaun verða í Tölti og 100 m.skeiði.   En annars verða keppnisgreinarnar eftirfarandi:

            A.-flokkur                               100 m. skeið, fljótandi start

            B.-flokkur                                150 m. skeið, kappreiðar

            Ungmennaflokkur                   250 m. skeið, kappreiðar

            Unglingaflokkur                      300 m. brokk, kappreiðar

            Barnaflokkur                           300 m. stökk, kappreiðar

            Tölt

Skráning þarf að berast fyrir mánudaginn 26.júlí n.k. og skráningargjald verður kr. 1.000,-  Ekkert skráningargjald tekið í brokk- og stökkkappreiðum auk barnaflokks.  Skráning verður opin eftir það fram að miðnætti miðvikudagskvöldið 28.júlí en hver skráning kostar þá kr.3.000,-  Þeir sem skrá sig eftir 25.júlí til 28.júlí verða færðir fremst í rásröð.  Skráningar þurfa að berast til Guðmundar á netfang [email protected]   Skráningargjöld greiðast við skráningu inn á bankareikning: 0310-26-1630, kt. 520705-1630.

Að auki verður öflugt skemmtanahald á svæðinu, Böll öll kvöld, veitingasala, Barnagarður, Sölubásar og Trúbadorar

Aðgangseyrir inn á mótssvæðið verður kr. 8.000,- en frítt verður fyrir 14 ára og yngri.  Öll aðstaða og skemmtanir innifalin í miðaverðinu.

Hestamannafélagið Stígandi

Skrá þarf þátttöku til USAH fyrir 23.júlí n.k í e-maili [email protected], í síma 452-4929  eða koma á skrifstofu milli kl: 16 - 17:00 alla virka daga.

Koma þarf fram: Nafn keppanda, kennitala, keppnisgrein, símanúmer, foreldri/forráðamaður.

 Keppendur fara á ábyrgð foreldra/forráðamanna á mót þetta.

USAH greiðir allan keppniskostnað fyrir keppendur sem skrá sig í gegnum skrifstofu USAH.

Unglingalandsmót UMFÍ verður haldið í Borgarnesi nú um verslunarmannahelgina, 30 .7 - 1.8. Meðal keppnisgreina eru hestaíþróttir. Keppt verður í tveimur flokkum, barnaflokki ( 11 - 13. ára) og unglingaflokki (14 - 18 ára) í tölti og fjórgangi. Keppnin fer fram á svæði hestamannafélagins Skugga við Vindás, rétt ofan við Borgarnes.

Skráning hefst 12. júlí og lýkur 23. júlí.
Heimasíða mótsins er: http://www.umfi.is/umfi09/unglingalandsmot/ og er þar að finna ýmsar upplýsingar . Forkeppnin hefst kl. 11 föstudaginn 30. júlí  og síðan fara úrslit fram á laugardag. Þátttakendur  geta fengið hesta hýsta á mótsstað og eins verður unnt að halda þeim til beitar. Vona aðstandendur mótsins til þess að sem flestir mæti og taki þátt í því sem boðið verður upp á um helgina. Sérgreinastjóri hestaíþrótta gefur allar nánari upplýsingar, s: 898-4569 netfang  [email protected] .
Kristján Gíslason sérgreinastjóri

Fákaflug 2010 Vindheimamelum Verslunarmannahelgina

DAGSKRÁ:
A-flokkur
B-flokkur,
Ungmennaflokkur
Unglingaflokkur
Barnaflokkur 
Tölt
100m skeið og kappreiðar.
Kynbótasýning.

Skemmtidagskrá - Dansleikir

Föstudagur:
Reiðmenn vindanna

Laugardagur: Hvanndalsbræður

Sunnudagur:
SSsól

Reiðnámskeið á Þingeyrum:

...::::== Indjána - Leikir ==:::::...

(Kennari: Christina Mai leiðbeinandi frá Hólaskóla)

 

HVENÆR:  17.- 18. Júli ( minna vanir )

                    24. - 25. Júli ( meira vanir )

 

Tímasetning: 10:30h til 16:00h báða dagana

 

Aldurstakmark: 8 til 15 ára ( Hámarksfjölði 8 )

 

Þátttakendur mæti með eigin hest!

 

HVAÐ á að gera? Læra allt á milli himins og jarðar um hestinn. þrautabrautir,

útreiðatúrar og indjánaævintýri á hestbaki

........................................==((::::::::::))==...................................................

Mæta skal með öruggum reiðhjálm, hnakk, beisli, stallmúl,

........ og NESTI. Æskilegur klæðnaður eru góðir skór með hæl, reiðbuxur eða frekar

þröngar buxur úr möttu efni (ekki jogginggallar), þunnir vettlingar og hlý peysa eða úlpa.

 

Verð: 9000 kr

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::.:::::::::::::::

Frekari upplýsingar og skráning: Christina 865-8905 [email protected]

Í myndinni koma fram margir húnvetnskir áhugamenn um hestamennsku og ferðamál ásamt fjölda ferðamanna sem voru þátttakendur í ævintýrinu þetta haustið. Má ætla að á þriðja hundrað manns hafi verið á hestbaki þennan dag. Þarna má sjá stóðhrossin koma úr sumarhögunum á Laxárdalnum frjálsleg í fasi og náttúran skartar sínu fegursta í haustlitunum.

        

Örn Ingi sá um kvikmyndun og tæknivinnu. Önnur myndataka var í höndum Jóns Inga Einarsson og Alfreðs Möller. Útgefandi er Arnarauga/Örn Ingi.

Tónlistin í myndinni er eftir Húnvetningana Benedikt Blöndal Lárusson, Hauk Ásgeirsson og Skarphéðinn Einarsson.

Það var blíðskaparveður á Blönduósi 17. júní þegar hátíðarhöld fóru fram sem hestamannafélagið Neisti hafði umsjón með eins og undanfarin ár.

Margt var í boði en dagurinn byrjaði á því að Hjörtur formaður og Sigurjón Guðmunds mættu eldsnemma á lyftara til að setja fánana upp og náðust af því myndir þar sem myndasmiður fór líka snemma á fætur   

 
Börnum var boðið á hestbak í  Reiðhöllinni og var ágætis þátttaka. Gott var að sjá hesta aftur í Reiðhöllinni en þar hefur varla sést hestur síðan í lok apríl.


"Forsetaskjóna" var treyst fyrir börnum undir styrkri stjórn Bjargar en hún sagði upp vöfflubakstri þar sem hún tapaði fyrir Óla syni sínum í fyrra og þau Maggi Ó., ásamt fleirum tóku að sér að teyma undir börnum þennan morguninn.

Að venju var "blásið" í blöðrur og skrúðganga var farin frá SAH. Þar var andlitsmálun og ýmiss 17. júní varningur til sölu og var bara góð mæting og skemmtileg stemming  á planinu.

Á Bæjartorginu stjórnaði Gísli Geirsson dagskrá, Sr. Sveinbjörn Einarsson flutti hugvekju, Þórdís Erla Björnsdóttir var fjallkonan að þessu sinni, hátíðarræðuna flutti Bóthildur Halldórsdóttir og tónlistaratriði voru flutt af Dagmar og Sigurjóni annars vegar og þeim Höskuldi og Pálma hins vegar og síðan voru leikir fyrir börnin á Þríhyrnunni.    

Kaffi og vöfflubakstur var í höndum Neistafélaga og þar stóðu Knapamerkjakonur ásamt fleiri konum sig stórkostlega eins og alltaf.

Guðrún, Jóna, Harpa og Árný

Sýndar voru 3 kvikmyndir. Ein þeirra, Fákar og fólk, er heimildarmynd úr Laxárdalnum og Skrapatungurétt. Myndin var tekin haustið 2008 og sýnir hrossasmölun á Laxárdal og stóðréttir í Skrapatungurétt og fjallar um það ævintýri sem þessi viðburður er. 

Í myndinni koma m.a. fram: Haukur Pálsson, Haukur Suska, Valgarður Hilmarsson, Ragnheiður Jónsdóttir og Jón Ingi Einarsson. Haukur Ásgeirsson, Benedikt Blöndal og Skarphéðinn Einarsson sömdu tónlistina en Örn Ingi  framleiddi myndina. Hann fékk þetta frábæra fólk uppá svið fyrir sýningu og veitti þeim þakklætisvott fyrir góða og skemmtilega samvinnu.

Haukur, Ragnheiður, Valgarður, Jón Ingi, Haukur, Benedikt, Haukur og Örn Ingi

(á myndina vantar Skarphéðinn).

     

Um kvöldið var fjölskyldudiskótek sem Sindri Guðmundsson hafði umsjón með.

Stjórn Neista þakkar öllum kærlega fyrir hjálpina, án ykkar væri þetta ekki framkvæmanlegt. Einning þökkum við þeim sem styrktu okkur á einn eða annan hátt kærlega fyrir og öllum sem komu á hátíðahöldin og í kaffið kærlega fyrir komuna.       

Myndir eru komnar í myndaalbúm, teknar af Höskuldi og Selmu. Takk fyrir þær.

Ekki náðist að klára öll próf í knapamerkjum fullorðinna í vor en þó svo að námskeiðum hafi ekki verið lokið þá ákváðu nemendur að halda uppskeruhátíð með leikjum og grilli í Reiðhöllinni.
Ekki er hægt að ætlast til þess að allir komist þegar boðað er til samkomu með stuttum fyrirvara en góður hópur mætti til leiks miðvikudagskvöldið 9. júní. Farið var í þrautabraut og ratleik, voru heilmikil tilþrif og klöpp hjá hvoru liði fyrir sig og var þetta hin besta skemmtun, sjá myndaalbúm.
Hjörtur formaður Neista grillaði síðan frábært kjöt frá SAH afurðum og átti þessi góði hópur notalega stund saman.
Rúmlega 30 fullorðnir stunduðu nám í knapamerki 1 í vetur. Þeir sem áttu eftir að taka próf í vor munu taka þau í haust þegar allir verða við hestaheilsu. Vonandi verður hægt að bjóða uppá námskeið í knapamerki 2 næsta vetur og að þeir sem voru á námskeiðum í vetur sjái sér fært að koma á þau. Það væri frábært 

Sumarsæla í stað Landsmóts hestamanna

Frestun Landsmóts hestamanna sem fara átti fram 27. júní - 5. júlí á Vindheimamelum í Skagafirði er mikið áfall fyrir hestamennsku og ferðaþjónustu í landinu og samfélagið allt, þó sérstaklega í Skagafirði, þar sem búið var að skipuleggja móttöku þúsunda gesta. 

Sveitarfélagið Skagafjörður, Félag ferðaþjónustunnar í Skagafirði, hestamannafélögin í Skagafirði og Hrossaræktarsamband Skagafirðinga hafa hins vegar ákveðið að snúa vörn í sókn og blása til Sæluviku að sumri á þeim tíma sem halda átti landsmótið.  

Meðal þess sem í boði verður fyrir þá sem sækja Skagafjörð heim þessa viku verða Lummudagar með glæsilegum skemmtiatriðum, knattspyrnumót fyrir stúlkur á Sauðárkróki, rútuferðir og gönguferðir um slóðir Sturlunga, Barokkhátíð á Hólum, afmælismót Golfklúbbs Sauðárkróks á Hlíðarendavelli og stórdansleikir með hestamannaívafi í Miðgarði.  Kynbótasýning mun fara fram á Vindheimamelum á vegum Hrossaræktarsambandsins.  Þá er ótalin sú fjölbreytta afþreying sem alla jafna er boðið er upp á í Skagafirði s.s. flúðasiglingar, skipulagðar gönguferðir, siglingar út í hinar glæsilegu eyjar Drangey og Málmey.  Þá bíður Skagafjörður upp á glæsilega flóra safna s.s. Vesturfarasetur, Samgönguminjasafn, Byggðasafnið í Glaumbæ, Víðimýrarkirkju og Minjahúsið á Sauðárkróki, þar sem m.a. er hægt að berja augum ísbjörninn sem gekk á land í Skagafirði árið 2008.  Gestastofa sútarans hefur verið opnuð á Sauðárkróki þar sem hægt er að fræðast um sútun á skinnum og roði og þær afurðir sem hönnuðir vinna úr því hráefni.  

Ný og glæsileg sundlaug á Hofsósi hefur bæst í hóp sundlauga og heitra náttúrulauga sem finna má um allan Skagafjörð.  Í Skagafirði eru einnig frábærir veitingastaðir sem m.a. bjóða upp á kræsingar úr afurðum úr héraðinu og gistimöguleikarnir eru fjölbreyttir og margir, m.a. á nýju og glæsilegu tjaldstæði í Varmahlíð og endurbættu tjaldstæði á Sauðárkróki.

Skagfirðingar munu því leggja sig sérstaklega fram við að taka vel á móti og skemmta gestum sínum þá daga sem ætlaðir voru fyrir Landsmót hestamanna.  Áætlað er að Landsmót verði haldið sumarið 2011 í Skagafirði.
Ennfremur ætla hestamenn í Skagafirði að blása til hestamannamóts um Verslunarmannahelgina, Fákaflugs, þar sem boðið verður upp á gæðingakeppni, kynbótasýningar, töltkeppni og kappreiðar auk þess sem áhersla verður lögð á að skapa skemmtilega umgjörð í anda gömlu hestamannamótanna sem haldin voru þar áður fyrr.

www.hestafrettir.is 

Arður frá Brautarholti
Arður er frábærlega ættaður stóðhestur undan Orra frá Þúfu og Öskju frá Miðsitju.
Arður er með 8,38 í aðaleinkunn.
Verð 80.000 með vsk og ein sónarskoðun
Verður til afnota frá 18. júní til 25. júlí.

 

Stimpill frá Vatni
F: Kolfinnur frá Kjarnholtum I. M: Hörn frá Langholti II
Aðaleinkunn 8,35 þar af 9 fyrir tölt
Verð 70.000 með vsk
Verður til afnota til 22. júní

 

Óðinn frá Hvítárholti
F: Óðinn frá Brún, M: Hylling frá Hvítárholti
Aðaleinkunn 8,27, þar af 8,53 fyrir hæfileika.
Verð 40.000 með vsk
Verður til afnota í allt sumar.

Nánari upplýsingar hjá Tryggva Björnssyni í síma 89810

Af gefnu tilefni skal það ítrekað að Landsmót ehf. mun endurgreiða alla miða, stúkur og hjólhýsastæði sem keypt hafa verið vegna  Landsmóts 2010 sem nú er búið að fresta.  Við biðjum viðskiptavini okkar hins vegar um að sýna starfsmönnum Landsmóts biðlund þar sem ærin verkefni eru fyrir höndum að vinda ofan af mótinu í ár og fjöldi viðskiptavina er stór.

Við munum næstu daga ganga skipulega til verks við að endurgreiða, en bendum á að þar sem viðskiptin fóru að mestu leyti fram í gegnum kreditkortaviðskipti í gegnum netmiðasölukerfi okkar, getur liðið einhver tími þar Landsmót kreditfærir og þar til eiginleg endurgreiðsla berst inná reikning viðskiptavinar.  Við biðjum viðskiptavini Landsmóts að hafa þetta í huga og búa sig undir að greiðslur í gegnum kreditkortafyrirtæki berast ekki strax og gætu jafnvel borist í fleiri en einni greiðslu (dæmi: keypt er fyrir 48.000; greiðsla berst uppá 24.000 og nokkrum dögum síðar lokagreiðsla).

Ógerlegt er að taka við svo miklum fjölda símtala og því biðjum við þá sem vilja endurgreiðslu um að senda tölvupóst ásamt kvittun um kaupin á netfangið: [email protected].

Þar sem fyrirhugað er að Landsmót verði haldið að ári (2011) er viðskiptavinum að sjálfsögðu í sjálfvald sett hvort þeir vilji eiga miðana inni hjá mótshöldurum.

Öllum tölvupóstum verður sinnt skipulega en eins og áður sagði; fjöldinn er mikill og munu starfsmenn Landsmóts ganga vasklega til verks og leggja sig fram um að vera í góðu sambandi við viðskiptavini við að endurgreiða.

F.h. Landsmóts hestamanna ehf.

Jóna Fanney Friðriksdóttir, framkvæmdastjóri

www.lhhestar.is

Samhljóða ákvörðun var tekin á fundi hagsmunaaðila í hestamennsku og hrossarækt ásamt yfirvöldum dýralæknamála, starfandi dýralæknum, fulltrúum leiðbeiningaþjónustu og fulltrúa sjávar- og landbúnaðarráðuneytisins vegna smitandi hósta sem herjað hefur á hrossastofninn í landinu undanfarið.

Í ályktuninni samþykkti fundurinn að fresta Landsmóti 2010 en halda það að ári, á Vindheimamelum í Skagafirði eins og til stóð á þessu ári.  Fundurinn ítrekaði að þessi frestun Landsmóts um ár skyldi unnin í nánu samstarfi við Alþjóðasamtök Íslandshestafélaga (FEIF).

Jafnframt var skorað á Landssamband hestamannafélaga (LH) og Bændasamtök Íslands (BÍ) að sýningar- og keppnishald yrði endurskoðað á næstu mánuðum til að gera eigendum hrossa, sem stefnt var með í dóma, sýningar- eða keppni á árinu, kleift að skrá þau til þátttöku þegar þau eru orðin heilsuhraust. Tryggt verði að sýningar- og keppnishald fari fram með velferð hestsins og heilsu að leiðarljósi.

Fundinn sátu auk helstu hagsmunaaðila í hestamennsku og hrossarækt, fulltrúi sjávar- og landbúnaðarráðuneytis, formenn BÍ og LH, stjórn Landsmóts ehf., formaður Félags hrossabænda og Félags tamningamanna.  Fulltrúar yfirvalda dýrlæknamála sátu jafnframt fundinn ásamt starfandi dýralæknum og fulltrúum leiðbeiningaþjónustu.

Fyrir liggur að tjón greinarinnar vegna sjúkdómsins er nú þegar orðið gífurlegt og hagsmunir miklir.  Er skorað á stjórnvöld að tryggja Matvælastofnun (MAST) og Tilraunastöðinni á Keldum nægjanlegt fjármagnt til að auka rannsóknir og aðrar fyrirbyggjandi aðgerðir.  Jafnframt verði Landsmótshöldurum tryggð sú fjárhagslega staða að framtíðar mótahaldi sé ekki ógnað.

Aðspurður segir Haraldur Þórarinsson, formaður LH og Landsmóts hestamanna ehf  Landsmót vera stærsta glugga hestamennskunnar í landinu og gífurlega mikilvægt öllum greinum hestamennskunnar þ.m.t.  ferðaþjónustu í landinu.  "Tjónið er alvarlegt og það má líkja þessu við náttúruhamfarir, greinin er lömuð og þetta teygir anga sína um allt samfélagið. Þessi ákvörðun var þó óviðráðanleg enda er velferð hestsins algjörlega í fyrirrúmi."

Sigríður Björnsdóttir dýralæknir hrossasjúkdóma segir að ýmislegt varðandi sjúkdóminn og feril hans hafi verið að skýrast á síðustu dögum.  Nauðsynlegt sé þó að fara í frekari rannsóknir á eðli hans og uppruna.  "Þetta er vægur sjúkdómur en einkenni hans vara í nokkrar vikur og það hefur sett undirbúning Landsmóts í uppnám" segir Sigríður.

Að sögn Jónu Fanneyjar Friðriksdóttur framkvæmdastjóra Landsmóts ehf. munu seldir miðar að sjálfsögðu verða endurgreiddir.  "Ég vil þó biðja fólk um að sýna okkur smá biðlund, en allir sem þess óska fá miðana endurgreidda en einnig er möguleiki á að geyma miðana til ársins 2011.  Reynt verður að fara í samstarf við flugfélög vegna flugfarmiða þeirra sem eru að koma erlendis frá en flestir eiga þó að geta nýtt sér ferða- eða forfallatryggingar.  Við munum á næstunni senda út leiðbeiningar til allra sem keypt hafa miða og kynna fyrirkomulagið" segir Jóna Fanney.

Ályktun fundarins má sjá með því að smella hér.

www.lhhestar.is