Nú er komið að foladasýningu 2018 og verður hún með svipuðu sniði og í fyrra. 

Skráning verður að vera komin fyrir 25.janúar og verður að koma fram nafn og IS númer folalds, einnig hvort folald sé rakað eða órakað. 

Ef næg þátttaka næst verður einnig flokkur tryppi fædd 2015-2016, þar eru sömu skilyrði fyrir skráningu.

Flottir vinningar verða í boði og hvetjum við fólk til þess að koma og sjá stjörnur framtíðarinnar.

Skráningin kostar 2000 kr á hross
Skráning er á [email protected] eða í símanúmer 8665020


 

Hér koma dagsetningar á mótum vetrarins. 

16. febrúar - Fjórgangur og T7

10. mars - Ísmót

23. mars - Tölt

6. apríl - Fimmgangur og slaktaumatölt

Nánar auglýst síðar.

Mótanefnd 

Vegna forfalla verðum við að fresta vinnusýningu Benna Líndal til 20. janúar. Nánar auglýst síðar.

Minnum á að kynningarfundur um æskulýðsstarf vetrarins verður haldinn á morgun, fimmtudaginn 4. janúar, klukkan 17:00 í reiðhöllinni. Gulla og Nonni frá Hestaleigunni Galsa ætla að koma ef einhverjir hafa áhuga á að leigja hest hjá þeim fyrir námskeiðin. Guðrún Rut fer yfir námskeiðin og æskulýðsnefndin segir frá öðru starfi.

Síðasti skráningardagur á námskeiðin er 6. janúar.

Í vetur verða eftirfarandi reiðnámskeið í boði hjá Neista. Guðrún Rut Hreiðarsdóttir ætlar að kenna hjá okkur í vetur en hún er menntaður reiðkennari frá Háskólanum á Hólum. Skráning fer fram hjá Guðrúnu á [email protected] eða í síma 695-8766. Síðasti skráningardagur er 6. janúar.

Kynningarfundur um æskulýðsstarfið verður haldinn fimmtudaginn 4. janúar kl. 17:00 í reiðhöllinni. Þar verður farið nánar yfir skipulag vetrarins. 

Pollanámskeið – teymdir

Lögð verður áhersla á jafnvægi á hestbaki og grunnstjórnun hestsins í gegnum leiki og þrautir. Foreldrar/aðstoðarmenn nemanda teyma undir börnunum. Ætlað fyrir 7 ára og yngri.

Pollanámskeið – ekki teymdir 

Fyrir þau sem eru tilbúin að stjórna sjálf. Lögð verður áhersla á jafnvægi á hestbaki og stjórnun hestsins í gegnum leik og þrautir. Ætlað fyrir 7 ára og yngri.

Almennt reiðnámskeið 8 – 10 ára 

Almenn reiðnámskeið fyrir alla krakka. Áhersla lögð á ásetu og stjórnun hestsins og aukið sjálfstæði í umgengni við hestinn. Leikir og þrautir á hestbaki.

Almennt reiðnámskeið 11 – 14 ára

Almenn reiðnámskeið fyrir alla krakka 11-14 ára. Áhersla lögð á ásetu og stjórnun hestsins, að þekkja gangtegundir og gangskiptingar. Leikir og þrautir á hestbaki.

Einnig verður boðið upp á kennslu í Knapamerkjum. Knapamerkin eru stigskipt nám sem fela í sér að bæta þekkingu á meðferð, notkun og umhirðu íslenska hestsins á breiðum grunni. Nemendur eru leiddir stig af stigi í takt við getu og áhuga.

Knapamerki 1 - 12 ára og eldri

• Að undirbúa hest rétt fyrir reið
• Geti teymt hestinn á múl eða beisli við hlið sér á feti og brokki/tölti
• Geti farið á og af baki beggja megin
• Kunni rétt taumhald og að stytta rétt í taumi
• Geti setið hest í lóðréttri (hlutlausri) ásetu á feti, tölti/brokki og hægu stökki
• Geti framkvæmt nokkrar sætisæfingar í hringtaum skv. stjórnun frá kennara
• Geti skipt á milli hlutlausrar ásetu, hálfléttrar og stígandi ásetu (1. stig stígandi ásetu)
• Kunni að skilja rétt við hest og búnað að reiðtíma loknum

Knapamerki 2 

• Geta látið hestinn kyssa ístöð á baki og við hönd, til beggja hliða
• Riðið einfaldar gangskiptingar
• Riðið helstu reiðleiðir á reiðvelli
• Geta riðið í hlutlausri lóðréttri ásetu, hálfléttri og stígandi ásetu
• Hafa gott jafnvægi á baki hestsins og nota rétt taumhald
• Látið hestinn stoppa, standa kyrran og ganga aftur af stað
• Geta riðið á slökum taum
• Sýna það í reiðmennsku og umgengni við hestinn að hann hafi tileinkað sér rétt viðhorf til hans
• Geta riðið hesti á víðavangi, haft góða stjórn og gætt fyllsta öryggis

Knapamerki 3 og 4 

Mögulega verða knapamerki 3 og 4 kennd ef áhugi er fyrir hendi. Fjöldi tíma, tímasetningar og verð verður gefið upp að loknum síðasta skráningardegi.

Einka- eða parakennsla fyrir fullorðna

Einstaklingsmiðaðir reiðtímar sem fela í sér að aðstoða nemendur í að ná þeim raunhæfu markmiðum sem þeir setja sér með sjálfan sig og sinn hest jafnt byrjendur sem lengra komna.

Einnig er stefnt að því að fá til okkar gestakennara ef áhugi er fyrir hendi og myndi sú kennsla fara fram um helgi. Tvo til þrjá daga í röð.

Nánari upplýsingar um námskeiðin, svo sem tímafjölda og verð, má finna undir flipanum Námskeið vetur 2018 á stikunni hér hægra megin.

Uppskeruhátíð húnvetnskra bænda og hestamanna var haldin 18. nóvember sl. og eins og fyrri ár voru veitt verðlaun fyrir hesta, kýr og kindur. 

Knapi ársins 2017 hjá Hestamannafélaginu Neista er Ásdís Brynja Jónsdóttir.

Innilega til hamingju með frábæran árangur á árinu.

 

Ásdís var atkvæðamikil á keppnisbrautinni á liðnu tímabili og náði góðum árangri með honum Sleipni frá Runnum m.a. á Íslandsmóti yngri flokka, Fjórðungsmóti Vesturlands en hæst ber þó að nefna árangur hennar á heimsmeistaramóti íslenska hestsins.  Ásdís er metnaðarfullur og flinkur knapi sem við í Neista erum afar stolt af.

Að venju veittu Samtök Hrossabænda í A.-Hún ræktendum í félaginu viðurkenningar fyrir hæst dæmdu kynbótahrossin. 

Viðurkenningar kynbótahrossa:

Stóðhestar 4. vetra
Jarl frá Steinnesi, a.e. 8,05
 
Stóðhestar 5. vetra
Mugison frá Hæli, a.e. 8,55 

Stóðhestar 6. vetra
Bogi frá Flögu, a.e. 8,22
 
Stóðhestar 7. vetra og eldri
Sómi frá Hólabaki, a.e. 8,36
 
Hryssur 5. vetra
Svana frá Kagaðarhóli, a.e. 8,06
 
Hryssur 6. vetra
Þyrnirós frá Skagaströnd, a.e. 8,32
 
Hryssur 7.vetra og eldri
Sóta frá Steinnesi,  a.e. 8,28
 
Ræktunarbú ársins 2017
Hæli 

Dagskrá

13:00 Tölt

13:40  Barnaflokkur

13:50 A flokkur

14:15 Unglingaflokkur

14:45 B flokkur

15:30 Hlé

15:45 Úrslit byrja

Úrslit Tölt

Úrslit Barnaflokkur

Úrslit A flokkur

Úrslit Unglingaflokkur

Úrslit B flokkur

Skeið

Klukkan 19:00 verður boðið uppá grill og léttar veitingar í reiðhöllinni. Neistafélagar og velunnarar velkomnir. Trúbador mun spila eftir matinn.

Ráslistar

A flokkur

B flokkur

Barnaflokkur

Skeið

Tölt

Unglingaflokkur

Á laugardaginn kemur 19. ágúst eftir hádegið verður félagsmót Neista, mun dagskrá og ráslistar koma á morgun föstudag. Eftir mótið verður boðið í grill og léttar veitingar ásamt því að trúbador spilar eftir matinn. Tekið verður við pöntunum á nýjum Neistajökkum (hægt verður að máta). Allir Neistafélagar og velunnarar velkomnir.

Félagsmót Neista laugardaginn 19. ágúst á Blönduósi.

Keppt verður í A og B flokki. Ungmennaflokki, unglingaflokki og barnaflokki. Einnig tölti, og 100 metra skeiði. Bryddað verður upp á þeirri nýjung að bjóða upp á keppni í C flokki. Skráningargjöld eru kr. 3000 í A og B, ungmennaflokki og tölti en 2.500 í aðrar greinar og flokka. Allar keppnisreglur má nálgast á lhhestar.is. Mótið hefst kl. 10:00. Boðið verður upp á hressingu í hádeginu.  Félagar sem hafa tök á að starfa við mótið vinsamlegast setji sig í samband við mótanefnd (Valur, Jonni, Höddi, Siggi og Davíð). Skráning fer fram á Sportfeng og þarf að vera lokið fyrir miðnætti á fimmtudaginn 17. ágúst næstkomandi.

Nefndin

Fyrirhugað er að halda félagsmót Neista 2017 þann 19. ágúst næstkomandi. Takið daginn frá og fjölmennum. Nánar auglýst síðar.

Nefndin.

Ásdís Brynja og Sleipnir frá Runnum hafa verið í þjálfunarbúðum og æft stíft hjá Sigga Matt og Eddu Rún til að reyna við þátttökurétt á Heimsmeistramótið sem fram fer í Hollandi í ágúst.  Þau tóku þátt í fimmgangi á Íslandsmóti fullorðinna á Hellu nú um helgina og náðu frábærum árangri.  Einungis þau ungmenni sem reyndu við þátttöku á Heimsmeistaramótið fengu að taka þátt. Ásdís og Sleipnir fengu hærri einkunn en þau  ungmenni sem tóku þátt í úrtöku fyrir nokkrum vikum síðan. Frábært hjá Ásdísi og Sleipni.
 

Lara Margrét og Zelda frá Sörlatungu tóku þátt í skeiðmóti í Oirschot en þar var úrtaka í skeiðgreinum.
Þær eru nýbyrjaðar að þjálfa saman og Lara ekki mikið riðið skeið hingað til en þær náðu frábærum tíma 7,98,   1. sætið í unglingaflokki og 2. sæti í fullorðinsflokki.
Zelda er í eigu Mike van Engelen sem þjálfaði þær fyrir skeiðið.
Lara hefur verið í Hollandi meira eða minna síðan í byrjun mai. Hún hefur aðallega verið að þjálfa Örk frá Hjarðartúni í T2. Eigandi Arkar er Mieke van Herwijnen, sem hefur þjálfað þær saman. Tækifærið með Zeldu kom upp fyrir hálfum mánuð en þær keppa í 100 m skeiði og gæðingaskeið. Hún getur bara farið með aðra þeirra, en á meira sjens ef hún er með fleiri hross.

Báðar hafa tekið þátt í fimm úrtökumótum. Lara á eina eftir sem verður í Hollandi núna um helgina. Í Hollandi þarf að ná lágmarkseinkunn, tvisvar í hverjum flokk fyrir sig til að eiga möguleika á að verða valinn í lið.

Aldeilis frábær árangur hjá þeim systrum. Það verður gaman að fylgjast með hvort þær verða valdar í liðið, en það fá þær að vita nk. laugardagskvöld.

Miðvikudagur 28. júní

Aðalvöllur:

08:30                           Knapafundur
09:30-12:00                Ungmennaflokkur forkeppni
12:00-13:00                Hlé
13:00-14:00                Tölt 17 ára og yngri (T1) forkeppni
14:00-                          B flokkur gæðinga forkeppni
                                   Hestar nr. 1-20
                                   Hlé í 15 mín.
                                   Hestar nr. 21-40
                                   Hlé í 15 mín
                                   Hestar nr. 41-

Félagsheimili Skugga:
20:00                          Vörn og kynning á meistararitgerð Gunnars Reynissonar:
                                   Hreyfigreiningar á tölti og skeiði íslenska hestsins

Kynbótavöllur:

10:30-12:00                Hryssur 4 vetra
13:00-17:00                Hryssur 5 og 6 vetra (15 mín hlé kl. 14:30 og 16:00)
17:00-18:00                Hryssur 7 vetra og eldri

Fimmtudagur 29. júní

Aðalvöllur:

09:00-11:30                Unglingaflokkur forkeppni
11:30-12:30                Hlé
12:30-14:00                Barnaflokkur forkeppni
14:15                           Forkeppni A flokkur
                                   Hestar nr. 1-20
                                   Hlé í 15 mín
                                   Hestar nr. 21-40
                                   Hlé í 15 mín
                                   Hestar nr. 41-

Kynbótavöllur:

10:30-12:00                Stóðhestar 4 vetra
12:00-13:00                Hlé
13:00-14:20                Stóðhestar 5 vetra
14:20-15:00                Stóðhestar 6 vetra
15:00-15:15                Hlé
15:15-16:00                Stóðhestar 6 vetra
16:00-17:00                Stóðhestar 7 vetra og eldri

Föstudagur 30. júní

Aðalvöllur:

09:00-11:30                Tölt opinn flokkur (T1) forkeppni
12:30-13:00                Mótssetning og skrúðganga hestamanna (án hrossa)
13:00-14:30                Yfirlitssýning hryssur
14:30-14:50                Hlé
14:50-15:30                Barnaflokkur B úrslit
15:30-16:10                Unglingaflokkur B úrslit
16:10-16:50                Ungmennaflokkur B úrslit
16:50-19:00                Hlé
19:00-20:30                100 m fljúgandi skeið
20:30-21:00                B úrslit í tölti opinn flokkur

23:00-03:00                Dansleikur í reiðhöll með Stuðlabandinu

Laugardagur 1. júlí

Aðalvöllur:

10:00-12:00                Yfirlitssýning stóðhestar
13:00-13:40                Barnaflokkur A úrslit
13:40-14:20                Unglingaflokkur A úrslit
14:20-15:00                Ungmennaflokkur A úrslit
15:00-15:40                B úrslit í B flokk
16:00-17:00                Sýning ræktunarbúa
17:00-19:00                Hlé
19:00-19:40                A flokkur gæðinga B úrslit
19:40-20:20                Tölt (T1) 17 ára og yngri A úrslit
20:20-21:20                Tölt opinn flokkur (T1) A úrslit
21:20-22:00                Kvöldvaka á aðalvelli eða í reiðhöll (fer eftir veðri)

Sunnudagur 2. júlí

Aðalvöllur:

10:00-11:30                Hryssur verðlaunaafhending
12:00-12:30                B flokkur gæðinga A úrslit
12:30-13:15                Stóðhestar verðlaunaafhending
13:30:14:10                A flokkur gæðinga A úrslit
14:10                          Mótsslit