Lið 4 - knapafundur

08.02.2011 08:19

FEIF Youth Camp 2011, Skotlandi

Dagsetning: 23. - 30. júlí 2011

Verð: 530 - 550 ?

Hvert land hefur rétt til að senda 2 þátttakendur, en einnig verður biðlisti ef sæti losna, sem hefur verið undanfarin ár. Flugfargjald er ekki innifalið í þátttökugjaldinu.
Skilyrði: Þátttakendur verða að vera á aldrinum 13 - 17 ára, á árinu, verða hafa einhverja reynslu í hestamennsku og geti skilið og talað ensku.
Staðsetning: Búðirnar verða haldnar í Broomlee outdoor center í Skotlandi. 22,5 km. fyrir utan Edinborg. Nánari upplýsingar um staðinn er að finna á www. soec.org.uk/pages/broomlee.asp
Dagskrá: Í grófum dráttum er dagskráin á þessa leið; farið verður á hestbak í skosku hálöndunum, sýnikennsla á hestum, heimsókn í Edenborgarkastala, draugaganga í gömlu Edinborg, útivera og hefðbundin skosk kvöldvaka.
Umsóknir þurfa að berast á skrifstofu LH, Engjavegi 4, Íþróttamiðstöðinni Laugardal, 104 Reykjavík fyrir 06. mars 2011. Á umsókninni þarf að koma fram nafn, kennitala, heimili, í hvaða hestamannafélagi viðkomandi er og nokkrar línur um reynslu í hestamennsku.

Þegar búið verður að velja þá úr sem uppfylla skilyrðin verður dregið úr umsóknum.

Æskulýðsnefnd LH

Skrifað af selma

07.02.2011 11:00

Vel heppnað járninganámskeið

Þeir voru kampakátir strákarnir sem fóru á járninganámskeiðið hjá Gesti á laugardaginn og lærðu heilan helling.....

það er auðvitað alltaf spurningin hvort sé verið að járna rétt eða ekki og hvort þessi járning sé betri en hin......

Sjá fleiri myndir í myndaalbúmi.

Á meðan strákarnir voru í Hnjúkahlíð að nema allt um járningar voru aðrir niður í hesthúsahverfi að gera sig klára í útreiðartúrinn enda veðrið alveg frábært......

Elín og Höskuldur að gera sig klár og Sigurgeir, Selma og Bjartmar orðin klár....

Kristján búinn að ná sínum en Sigga og Annna Magga búnar að leggja á

Gummi Fúsa og Guðmundur "Faktor" og Valur kominn heim
löngu farnir og á leiðinni heim

Eldsnemma á sunnudegi voru þessar á meðan unglingarnir voru á
mæðgur, Sonja og Inga mættar að æfa sig.. knapamerkjanámskeiði.

Góð hestahelgi að baki emoticon

Skrifað af selma

03.02.2011 21:58

Fyrirlestur um járningar

Minnum á að fyrirlestur um járningar
með Gesti Júlíussyni járningameistara
sem verður í Reiðhöllinni, kaffistofu,
föstudagskvöldið 4. febrúar og hefst kl. 20.00.

Öllum opið - aðgangseyrir er 1.500 kr.

Skrifað af selma

03.02.2011 10:19

Ís-landsmót 2011

Laugardaginn 5. mars verður haldið Ís-landsmót á Svínavatni A.-Hún. Keppt verður í A og B flokki og opnum flokki í tölti. Fyrirkomulag með svipuðu sniði og verið hefur undanfarin ár og verða nánari upplýsingar birtar þegar nær dregur á hestanetmiðlum og á heimasíðu mótsins.

Skrifað af selma

30.01.2011 22:00

Sparisjóðs-liðakeppnin - fjórgangur

Þá fer að styttast í fyrsta mót Sparisjóðs-liðakeppninnar en það verður 11. febrúar nk og verður að vera búið að skrá á miðnætti þriðjudagsins 8. febrúar. Skráning er hjá Kollu á mail: [email protected]. Keppt verður í fjórgangi í 1. flokki, 2. flokki, 3. flokki og flokki 17. ára og yngri (fædd 1994 og seinna) Það sem koma þarf fram er knapi, lið, hestur, IS númer og upp á hvora hönd á að ríða. Það verða tveir inn á í einu og er prógrammið í forkeppni, hægt tölt - fegurðartölt - fet - brokk - stökk. En úrslit verða riðin eins og venjulega, hægt tölt - brokk - fet - stökk - fegurðartölt.

Knapar verða að vera í sama liðinu allt tímabilið, þ.e. bannað að skipta um lið á miðju tímabili. Einnig verður hver og einn knapi að velja sér hvort hann ætlar að keppa í 1. 2. eða 3. flokki í upphafi tímabils og má ekki fara á milli flokka á tímabilinu.

Hver keppandi má keppa á fleiri en einum hesti í hverri grein, en ef keppandi kemst með tvo hesta í úrslit verður hann að velja á milli þeirra og aðeins keppa á öðrum í úrslitum. Ekki hægt að fá aukaknapa til að ríða úrslit fyrir sig. Nánar um reglur keppninnar má sjá hér.

Skráningargjaldið er 1.500 fyrir fullorðna og 500 fyrir unglinga 17 ára og yngri og verður að greiða inn á reikning 1105-15-200343 kt. 550180-0499 áður en mót hefst.

Aðgangseyrir er 1.000 en frítt fyrir 12 ára og yngri.

Mótanefnd liðakeppninnar

Skrifað af selma

28.01.2011 11:12

Reiðnámskeiðin hjá krökkunum byrjuð

Þá eru öll námskeið vetrarins komin af stað en hóparnir mættu í sína tíma á miðvikudag og fimmtudag. Ekkert nema skemmtilegt hjá þeim.
Í miðvikudagshópnum eru bara stelpur og þær hafa allar verið marga vetur á námskeiðum í Reiðhöllinni.
Hér eru Lilja, Alma og Una ......

og á fimmtudag komu krakkarnir sem ekki eru búin að vera á jafnmörgum námskeiðum og hinn hópurinn enda hafa þau aðstoðarmenn sér til halds og trausts.

Skrifað af selma

27.01.2011 08:18

Járninganámskeiðið

Járninganámskeiðið verður 4. og 5. febrúar.
Það byrjar með bóklegum tíma
í Reiðhöllinni, kaffistofu, kl. 20.00
föstudagskvöld 4. feb.

Verklegir tímar byrja kl. 8.00
á laugardagsmorgunn og verða
þeir í hesthúsinu í Hnjúkahlíð.

Skráning og nánari upplýsingar gefur Hólmar Hákon í sími 6956381.
Það væri gott ef þeir sem voru búnir að skrá sig
staðfesti þátttöku sína við Hólmar,
láti hann einnig vita ef þeir komast ekki þess helgi.

Skrifað af selma

26.01.2011 10:22

Meistaradeild Norðurlands (KS deildin) 2011

Bjarni Jónasson og Komma frá Garði.

Það stefnir í hörku úrtöku miðvikudaginn 26. janúar. 11 knapar eru skráðir til leiks, og þar eru þekkt nöfn úr keppnisgeiranum...

meðal þátttakenda eins og má sjá á ráslistanum. Það er alla vega ljóst, að úrtakan fyrir þetta ár er sennilega sú sterkasta frá upphafi KS-deildarinnar. Keppt er í 4-gangi og 5-gangi og er það samanlagður árangur úr þessum greinum sem telur til stiga í úrtökunni.
Hvetjum við fólk til að koma og horfa á spennandi keppni um þau sex lausu sæti í KS-deildinni 2011. Úrtakan byrjar kl:20:00 ( húsið opnar kl:19:30) aðgangseyrir er 1000.- kr. frítt fyrir 12 ára og yngri.

Ráslisti 4-gangur.
1.   Magnús Elíasson - Bliki frá Stóru - Ásgeirsá.
2.   Hörður Óli Sæmundarson - Hafrún frá Vatnsleysu.
3.   Jón Herkovic - Töfrandi frá Árgerði.
4.   Ingólfur Pálmason - Höfði frá Sauðárkróki.
5.   Sigurður Rúnar Pálsson - Gáski frá Pulu.
6.   Riikka Anniina - Gnótt frá Grund.
7.   Árni Björn Pálsson - Fura frá Enni.
8.   Baldvin Ari Guðlaugsson - Logar frá Möðruvöllum.
9.   Hallfríður Sigurbjörg Óladóttir - Kolgerður frá Vestri-Leyrárgörðum.
10.   Guðmundur Þór Elíasson - Fáni frá Efri-Lækjardal.
11.   Eyjólfur Þorsteinsson - Hlekkur frá Þingnesi.
Ráslisti 5-gangur.
1.   Jón Herkovic - Formúla frá Vatnsleysu.
2.   Sigurður Rúnar Pálsson - Glettingur frá Steinnesi.
3.   Baldvin Ari Guðlaugsson - Frami frá Efri-Rauðalæk.
4.   Riikka Anniina - Styrnir frá Neðri-Vindheimum.
5.   Guðmundur Þór Elíasson - Súper-Stjarni frá Stóru-Ásgeirsá.
6.   Hörður Óli Sæmundarson - Hreinn frá Vatnsleysu.
7.   Magnús Elíasson - Daði frá Stóru-Ásgeirsá.
8.   Árni Björn Pálsson - Ofsi frá Stóru-Ásgeirsá.
9.   Eyjólfur Þorsteinsson - Ögri frá Baldurshaga.
10.   Hallfríður Sigurbjörg Óladóttir - Rán frá Skefilsstöðum.
11.   Ingólfur Pálmason - Tindur frá Miðsitju.
Við minnum knapana sem eru skráðir í úrtökuna á knapafundinn sem verður í Tjarnarbæ kl:19:00 á keppnisdag.

Skrifað af selma

25.01.2011 08:16

Happdrætti Freyfaxa

Hestamannafélagið Freyfaxi var að fara af stað með stóðhestahappdrætti,
það er opið fyrir alla og er slóðin á síðuna: http://freyfaxi.123.is/page/30608/

Skrifað af selma

21.01.2011 12:25

10. hópurinn

Í gær mætti 10. hópurinn í knapamerkjatímann sinn en það er Elin Petronella Hannula sem kennir.
Hér eru Gerður Beta og Christina mættar með hestana sína.....

og Harpa með Gamminn sinn.

Það eru 24 fullorðnir sem stunda nám í knapamerkjum 1 og 2 og 19 krakkar í kn 1, 2 og 3. Knapamerki 3 er tekið á tveimur vetrum þar sem það er mikið nám og betra að því sé dreift svo krakkarnir hafi líka tíma í að taka þátt í því sem er á döfinni hjá þeim.

Reiðnámskeið barna, yngri og eldri, byrja í næstu viku. Eldri börnin mæta á miðvikudag kl. 19 og yngri mæta á fimmtudag kl. 17. Foreldrum verður sendur póstur þar um og ef einhver er ekki búinn að skrá sig þá er um að gera að hafa samband á netfang Neista.

Skrifað af selma

20.01.2011 13:19

Járninganámskeiði frestað

Járninganámskeiðinu
sem vera átti 21. og 22. janúar
er frestað um óákveðinn tíma.

Skrifað af selma

18.01.2011 21:02

Meira af knapamerkjum

Enn eru fleiri hópar að byrja námskeiðin í knapamerkjunum.
Hópurinn sem komst ekki á mánudag fyrir viku vegna veðurs mætti hress og kátur í gær í tíma hjá Sibbu.

Hér mætir Sauðanesbóndinn með hann Mósa sinn....

Í dag voru tímar hjá Barböru Dittmar en hún kennir krökkunum í
knapamerki 1 (annar hópurinn) og knapamerki 2.

Þær Þórunn, Ása, Kristín og Guðrún mættar hjá Barböru í knapamerki 1....

og þau Jón Ægir og Harpa Hrönn í knapamerki 2.

Skrifað af selma

18.01.2011 15:35

Sýnikennsla í Þytsheimum

Hestamenn athugið

Sýnikennsla - Sýnikennsla - Sýnikennsla

Reiðkennararnir Ísólfur Líndal og Guðmar Þór
ásamt reiðkennaraefninu James Faulkner
verða með sýnikennslu í reiðhöllinni á Hvammstanga

fimmtudaginn 27.janúar kl. 20:30.

Fjallað verður m.a um notkun reiðhalla
og kerfisbundna uppbyggingu reiðhestsins.

Aðgangseyrir 1000 kr (enginn posi á staðnum)

Félag tamningamanna og fræðslunefnd Þyts

Skrifað af selma