Í gærkvöldi 24/2,  var annað mótið í mótaröð Neista haldið í reiðhöllinni á Blönduósi.  Keppt var í tölti T-7 og voru úrslit eftirfarandi:

Barna,- og unglingaflokkur:

Áhugamannaflokkur: 1.Agnar Logi Eiríksson Njörður frá Blönduósi 6,80 / 7,40 2. Rúnar Örn Guðmundsson Kasper frá Blönduósi 6,20 / 6,70 3. Höskuldur Birkir Erlingsson Börkur frá Akurgerði 6,50 / 6,55 4. Þórólfur Óli Aadnegard Mirian frá Kommu 6,20 / 6,25 5. Magdalena Tryggvadóttir Lensa frá Grafarkoti 6,60 / 6,05   Opinn flokkur: 1. Hjörtur Karl Einarsson Syrpa frá Hnjúkahlíð 7,00 / 7,25 2. Jakob Víðir Kristjánsson Álfheiður Björk frá Blönduósi 6,50 / 6,70 3. Svana Ingólfsdóttir Kólga frá Kristnesi 6,30 / 6,40 4. Ragnhildur Haraldsdóttir Börkur frá Brekkukoti 6,00 / 6,20 5. Ólafur Magnússon Ronja frá Sveinsstöðum 5,90 / 4,50

Siggi Sig. ætlar að vera með einkatíma fimmtudag og föstudag (27. og 28. febrúar). Frábært tækifæri fyrir Neistamenn og konur til að fá tilsögn frá einum færasta knapa landsins. 

Aðeins er pláss fyrir 10 manns á námskeiðið, aldurstakmark 18 ár. Fyrstir koma, fyrstir fá. Skráningu lýkur kl. 24.00 á miðvikudagskvöld. Skráning á [email protected]

Nánari upplýsingar í síma 848 2947 (Maríanna) 

Minnum á T7 mánudagskvöld 24. febrúar

Skráning er á netfang Neista [email protected] fyrir kl. 22:00 sunnudagskvöld 23. febrúar.

Af gefnu tilefni minnum við á að fram þarf að koma IS númer hests og kt. knapa.

Mótið verður haldið laugardaginn 1. mars. Ísinn er afbragðs góður og vel lítur út með veður og færi.

Skráningar berist á netfangið [email protected] í síðasta lagi þriðjudaginn 25. febrúar.

Ekki verður tekið við skráningum eftir þann tíma. Eftirtalið þarf að koma fram: Keppnisgrein, kennitala knapa, og IS númer hests.

Keppnisgreinar eru A-flokkur, B-flokkur og Tölt. Skráningargjald eru 3.000. kr. á skráningu.

Greiðist inn á reikning 0307 - 13 - 110496, kt. 480269-7139.

Sendið kvittun á [email protected]

Vegleg peningaverðlaun fyrir þrjú efstu sætin í hverjum flokki.

Ráslistar og aðrar upplýsingar verða birtar á heimasíðu mótsins þegar nær dregur

Mánudaginn 24. febrúar kl. 20:00 verður haldið töltmót í Reiðhöllinni Arnargerði og er það hluti af mótaröð Neista. 

Keppt verður í T7, 1 hringur hægt tölt og 1 hringur frjáls ferð.

Keppt er í unglingaflokki þ.e. 16 ára  og yngri, áhugamannaflokki og opnum flokki.

Skráning er á netfang Neista [email protected] fyrir kl. 22:00 sunnudagskvöld 23. febrúar.
Við skráningu þarf að koma fram; knapi og hestur, flokkur og uppá hvaða hönd er riðið.

Skráningargjald er 1.000 kr fyrir hverja skráningu.
Skráningargjöld má greiða áður en mót hefst inná reikning Neista 0307-26-055624 kt. 480269-7139 og senda kvittun á netfang Neista  [email protected] en það má líka greiða á staðnum (ekki er tekið við greiðslukortum).

Aðgangur er ókeypis fyrir 100 ár og yngri, eða með öðrum orðum, frítt er inn á mótið og eru allir hvattir til að mæta.
Nemendur í 10. bekk í Blönduskóla verða með veitingasölu í sjoppunni.

Mótaröð Neista er stigakeppni fyrir Neistafélaga, þar sem 3 stigahæstu keppendur í hverjum flokki fyrir sig hljóta verðlaun fyrir samanlagðan árangur á mótum vetrarins.

Mótanefnd

Sameiginlegur fundur Fagráðs í Hrossarækt, Landssambands Hestamannafélaga (LH) og Ráðgjafarmiðstöðvar Landbúnaðarins (RML) um málefni hrossaræktar og hestamennsku verður haldinn í Búnaðarsambandssalnum á Blönduósi (Húnabraut 13)
miðvikudaginn 19. feb 2014 og hefst kl 20:30.

Frummælendur verða Sveinn Steinarsson, formaður Félags hrossabænda; Haraldur Þórarinsson formaður LH og Gunnfríður Elín Hreiðarsdóttir, ábyrgðarmaður hrossaræktar hjá RML.

Skeiðþjálfun

Fyrir reiðhesta og keppnishesta

Fræðslukvöld verður haldið í reiðhöllinni á Blönduósi mánudaginn 17.febrúar og hefst kl 19:30 með fyrirlestri og síðan verður haldin sýnikennsla.

Nokkur artriði sem farið verður yfir:

• Hvernig er best að byggja skeiðhest rétt upp
• Hvernig skal undirbúa hest fyrir skeið
• Hvernig skal leggja á skeið
  
  Aðgangseyri er 500 kr, athuga skal að ekki er tekið við greiðslukortum.

Leiðbeinendur eru 3.árs nemar frá Hólaskóla,

Ásta Kara, Ida Thorborg og Hjörvar Ágústsson

Útg.: Búnaðarsamband Húnaþings og Stranda Ábm. Gunnar Ríkharðss.
- Höfðabraut 6, 530 Hvammstangi s. 451-2601 netf.: [email protected]
- Húnabraut 13, 540 Blönduós s. 451-2602 netf.: [email protected]
13. árg. 1. tbl. 2014 Heimasíða: www.rhs.is Feb 2014

Fundur um málefni hrossaræktarinnar
Sameiginlegur fundur Fagráðs í Hrossarækt, Landssambands Hestamannafélaga (LH) og Ráðgjafarmiðstöðvar Landbúnaðarins (RML) um málefni hrossaræktar og hestamennsku verður haldinn í Búnaðarsambandssalnum á Blönduósi (Húnabraut 13)
Miðvikudaginn 19. Feb 2014 og hefst kl 20:30
Frummælendur verða Sveinn Steinarsson, formaður Félags hrossabænda; Haraldur Þórarinsson formaður LH og Gunnfríður Elín Hreiðarsdóttir, ábyrgðarmaður hrossaræktar hjá RML.

1. Örmerkingar og DNA-sýnataka. Eins og undanfarin ár tekur BHS að sér að örmerkja hross og taka dna-sýni til greiningar. Örmerki kostar 1.600 kr og greining á dna kostar núna 6.500 kr. Auk þessa er innheimt 4.000 kr/klst fyrir vinnu og frágang sýna og því um að gera að hafa aðstöðu sem besta. Öll verð eru án vsk en ekki er rukkað fyrir akstur. Þeir sem hafa hug á að nýta þessa þjónustu vinsamlega látið mig vita sem fyrst svo ég geti skipulagt ferðir og rétt er að minna á að allir stóðhestar sem koma á kynbótasýningu þurfa hafa staðfest ætterni skv dna greiningu.

2. Gjaldtaka fyrir skráningar. Öll vinna við skýrsluhald í hrossaræktinni er nú á vegum Ráðgjafarmiðstöðvar landbúnaðarins (RML) og sinni ég því fyrir þeirra hönd hér á svæðinu. Byrjað er að taka gjald fyrir ýmsar skráningar í Worldfeng. Grunnskráning á hrossi kostar 1.000 kr, eigendaskipti 500 kr og fyrir vinnu við leiðréttingar og lagfæringar eru teknar 5.000 kr/klst (allt án vsk).
Örmerkingarbækur fyrir 20 hross eru seldar á 5.000 kr m.vsk en innifalið í því gjaldi er skráningin á örmerkinu í WF og er því ekki rukkað sérstaklega fyrir það. Sem stendur er ekki rukkað fyrir grunnskráningu á hrossi ef hún er skv örmerkingarblaði en þá þarf blaðið að vera vandlega fyllt út með öllum nauðsynlegum upplýsingum. Þar sem ekkert hross fæst lengur lagt inn í sláturhús án örmerkis er ekki eftir neinu að bíða með að skrá og örmerkja öll hross enda slíkt nú skylt skv lögum.

3. Aðgangur að Worldfeng (WF). Allir sem eru félagar í Félögum hrossabænda eða í hestamannafélagi geta fengið frían aðgang að WF. Með aðgenginu fá hrossaeigendur gott yfirlit yfir eigin hross og geta m.a. haft eigendaskipti, skráð afdrif, skráð geldingu, gefið hrossi nafn og sett inn myndir af hrossum. Þá geta þeir einnig sjálfir skráð upplýsingar um afdrif sinna folalda hvort sem þau eru sett á eða slátrað, að því tilskyldu að móðirin hafi verið skráð hjá stóðhesti sumarið áður. Hægt er að veita aðila sem hefur aðgang að WF umboð til að sýsla með hross sem skráð eru á aðrar kennitölur. T.d geta allir í sömu fjölskyldu haft öll sín hross í sömu heimarétt í WF.

4. Námskeið í notkun Worldfengs. Til að hvetja alla til að nýta sem best alla þá möguleika sem WF býður upp á vil ég kanna áhuga á námskeiðum í notkun WF. Þar væri farið yfir bæði þá möguleika sem eigendur hrossa fá varðandi skráningar á eigin hrossum og einnig kynntir allir þeir fjölmörgu möguleikar sem WF býður upp á varðandi skoðun á hrossum, dómum, kynbótamati ofl. en í gagnagrunninum er gríðarlegt magn af upplýsingum.
Námskeiðin yrðu haldin að kvöldi til og staðsetningu yrði hagað eftir búsetu þáttakenda og fólk mætir með eigin fartölvu ef það vill. Áhugasamir sendi mér tölvupóst á [email protected] eða hringi í 451-2602 / 895-4365 sem fyrst og í síðasta lagi föstudaginn 21.febrúar.

Gunnar Ríkharðsson

Þar sem veðrið, rokið, er afleitt og ekki útlit fyrir það að það skáni í dag þá er fræðslukvöldi Hólanema sem vera átti í kvöld frestað til mánudagins 17. febrúar.

Úrslit úr fyrsta móti í Mótaröð Neista:

Ráslisti Ístöltsins á Hnjúkatjörn sem hefst kl. 14.00 í dag.

Fyrsta mót vetrarins í Mótaröð Neista, ístöltið, verður haldið á Hnjúkatjörn nk. sunnudag 9. febrúar kl.14.00 ef veður og færð leyfa en því var frestað um sl. helgi vegna slæms veðurútlits.

Keppt verður í 3 flokkum í mótaröðinni eins og verið hefur.

• Flokkur 16 ára og yngri
• Áhugamannaflokkur
• Opinn flokkur.

2 keppendur eru inn á í einu. Riðinn er einn leggur hægt tölt og til baka tölt með hraðabreytingum. Aftur tölt með hraðabreytingum og svo yfirferðartölt til baka. Alls fjórar ferðir.  Úrslit eru riðin í hverjum flokki fyrir sig strax eftir forkeppni. Fimm knapar í úrslitum, með þeirri undantekningu þó ef að einhverjir eru jafnir að stigum.

Skráningargjald er kr. 1.500 fyrir fyrstu skráningu og 1.000 krónur eftir það. Skráningargjald fyrir unglinga er 1.000 fyrir hverja skráningu.

Skráning sendist á email [email protected] fyrir kl. 14.00 laugardaginn 8. febrúar.

Fram þarf að koma knapi og hestur, og í hvaða flokki er keppt.

Muna að taka fram IS númer hests og kennitölu knapa líka.

Einnig verður bæjarkeppni, með firmakeppnisfyrirkomulagi þ.e. riðnar 4 ferðir með frjálsri aðferð. Engin skráningargjöld.

Skráningargjöld má greiða inná reikning Neista 0307-26-055624
kt. 480269-7139 áður en mót hefst en það má líka greiða á staðnum (ekki er tekið við greiðslukortum).

Sama fyrirkomulag verður á mótaröðinni eins og verið hefur varðandi stigasöfnun þ.e. 10 stig fyrir 1 sætið, 8 stig fyrir 2 sætið, 6 stig fyrir 3 sætið og svo 5,4,3,2,1 stig niður í 8 sætið.

Keppendur skrá sig í flokka í upphafi keppni og haldast í þeim flokkum út mótaröðina, með þeim möguleika þó að keppendur mega skrá sig upp um flokk hvenær sem er kjósi þeir það en þá er ekki heimilt að fara til baka og ekki taka þeir með sér þau stig sem að þeir hafi til unnið.  Annars gilda almennt reglur LH, og er bent sérstaklega á reglur um fóta,- og beislisbúnað !

Af gefnu tilefni minnum við á að fram þarf að koma IS númer hests og kt. knapa.

Þeir sem skráðu sig fyrir síðasta mót þurfa að skrá sig aftur.

Mótanefnd

Laugardaginn 1. mars  verður mótið haldið á Svínavatni í A-Hún.

Keppt  verður í A og B flokki gæðinga og opnum flokki í tölti. Fyrirkomulag með svipuðu sniði og verið hefur undanfarin ár og verða nánari upplýsingar birtar þegar nær dregur á hestanetmiðlum og á heimasíðu mótsins.

Eins og er þá er veðurspáin þannig að það er erfitt að ráða í hana. Gæti orðið hvasst og snjókoma og kannski ekki.  Ákvörðun verður tekin um hádegisbil á föstudag varðandi mótið.

Mótanefnd